ޢަބްދުއްލަޠީފް ކިތަންމެ ބޮޑު ދަތިކަމެއް ކުރިމަތިވިނަމަވެސް ނުވާނަންކަމަށް ހިތުގައިލައިގެން ހުންނަ މީހާ ވެސް ކަންކަން ކުރިމަތިވުމުން ކަންބޮޑުވެވެއެވެ. ނަމަވެސް ދަތިކަން ކުރިމަތިވަނީ ކިހިނަކުންކަމާއި އެއްވެސް ދަތިކަމަކީ ދާއިމަށް ތިމާއާއިއެކުވާނެ ކަމެއް ނޫންކަން ޤަބޫލުކުރެވުމުން އޭނާގެ ކަންބޮޑުވުންތައް ފިލައިގެންދެއެވެ
الشيخ علي بن عبد الرحمن الحذيفي – حفظه الله ވިދާޅުވެފައިވެއެވެ.
ކޮންމެ މީހަކުވެސް މިޙަޔާތް ވޭތުކުރަންވާނީ އޭނާއަށް ފައިދާކުރި ކަމެއްގައެވެ. އަދި އޭނާގެ ދިރިއުޅުމުގެ ކަންކަން އިޞްލާޙުކުރުމުގައެވެ. ފަހެ، އޭނާގެ ދުނިޔަވީ ޙަޔާތާއެކު އޭނާގެ ދީން އިޞްލާޙުކުރާ މީހުން އޭގެ ތެރޭގައިވެއެވެ. އެއީ ﷲ ތަޢާލާ އެބަޔަކަށް ދުނިޔެއާއި އާޚިރަތުގެ ހެޔޮކަން މިންވަރުކުރައްވާ، އަދި ނަރަކައިން ދިންނަވާފައިވާ މީހުންނެވެ.
އަދި ދުނިޔެއާއިގެން ކުރިއަށް ގޮސް އާޚިރަތް ހަލާކުކުރި މީހުންވެސް އޭގެ ތެރެއިން ވެއެވެ. އެއީ އުފަލުގެ މަސްތުގައި، ނަޢަމްސޫފި ފަދައިން ކައިބޮއެ އުޅުނު މީހުންނެވެ. އަދި އެމީހުން ދާނޭ ތަނަކީ ނަރަކައެވެ.
ފިކުރު ބޮޑުވަނިވި ކޮންމެ ކަމަކާ އަދި ކޮންމެ ޢަމަލަކަށްވެސް އަޖަލެއްވެއެވެ. އެއަޖަލު ޖެހުމުން އެކަމެއް ނިމޭނެއެވެ.
ﷲ ތަޢާލާ ވަޙީކުރެއްވިއެވެ.
﴿وَأَنَّ إِلَى رَبِّكَ الْمُنْتَهَى﴾ [النجم: 42]
މާނައީ: "އަދި (ހުރިހާކަމެއްގެ) ނިމުންވަނީ، ކަލޭގެފާނުގެ ވެރިރައްބުގެ ޙަޟްރަތަށެވެ."
ފަހެ، އަޅަމެންގެ ވެރިރައްބުގެ ހުސްޠާހިރުވަންތަކަމާއެވެ. އެއީ ކޮންމެ ހިތެއްގައިމެ މަޝްޣޫލުވާނެ ކަންތައްތަކަކާއި އެދުންތަކެއްލެއްވި އަދި ކޮންމެ މީހަކަށްމެ ޢަޒުމްތަކެއް ޚަލްޤުކުރެއްވި ފަރާތެވެ. އެއިލާހު އިރާދަކުރެއްކަމެއް ކުރައްވައެވެ. އަދި އިރާދަކުރެއްވިކަމެއް ދޫކޮށްލައްވައެވެ. ﷲ تبارك وتعالى ގެ އިރާދަފުޅާލައިގެން މެނުވީ އެއްވެސްކަމެއް ނުކުރެވެއެވެ.
ﷲ ތަޢާލާ ވަޙީކުރެއްވިއެވެ.
﴿وَمَا تَشَاءُونَ إِلَّا أَنْ يَشَاءَ اللَّهُ رَبُّ الْعَالَمِينَ﴾ [التكوير: 29]
މާނައީ: ” ޢާލަމްތަކުގެ ވެރި ﷲ އިރާދަކުރެއްވުމުން މެނުވީ، ތިޔަބައިމީހުންނަކަށް (އެއްވެސް ކަމެއް) ނޭދެވޭނެތެވެ."
ފަހެ، ﷲ އިރާދަކުރެއްވިކަމެއް ވެއެވެ. އަދި އެއިލާހު އިރާދަނުކުރައްވާކަމެއް ނުވާނެއެވެ.
الشيخ علي بن عبد الرحمن الحذيفي – حفظه الله –
