އުޑުގައިވާ ތަރިތަކުގެ ޢަދަދު ގުނަން ސައިންސްވެރިން އަބަދުވެސް މަސައްކަތްކުރެއެވެ. ނަމަވެސް އަދި މިހައިތަނަށް އެކަން ކުރެވިފައެއް ނުވެއެވެ.
2003 ވަނަ އަަހަރު އެއިރު ލިބެންހުރި އެންމެ ޒަމާނީ ޓެކްނޮލޮޖީގެ ބޭނުންކޮށްގެން ސައިންސްވެރިން ދިރާސާތަކެއް ކުރުމަށްފަހު ލަފާކުރާ އަދަދެއް ނެރުނެވެ. އެއީވެސް ހަމަ އަންދާޒާއެކެވެ. ޔަޤީނާއި ގާތްކުރާ ޢަދަދެއްވެސް ނޫނެވެ. އެ ޢަދަދަކީ 70.000.000.000.000.000.000.000 (seventy sextillion) އެވެ.
އެދިރާސާކުރި ސައިންސްވެރިން ބުނެފައިވަނީ އުޑުގައި ހުރި ތަރީގެ ޢަދަދު ގޮނޑުދޮށްތަކުގައާއި ސަހަރާތަކުގައިވާ ހުރިވެލިފުކުގެ އަދަދަށްވުރެ 10 ގުނަ ގިނަކަމަށެވެ. މިފަދަ ކޮންމެ ދިރާސާއަކީވެސް ހަމަ އަންދާޒާއެކެވެ. ޙަޤީޤީ އަދަދު ދެނެވޮޑިގެންވަނީ ހަމައެކަނި ﷲ ތަޢާލާއެވެ.
އުޑުގައި ހުރި ތަރިތަކުގެ ޢަދަދު ނޭނގެނީ ކީއްވެ؟ އެކަމުގެ އެންމެ ބޮޑު ޙިކުމަތަކީ އެކަންކަމަށް ވިސްނައި ފިކުރުކުރަންޖެހޭ މިންވަރުގެ ބޮޑުކަން ކަމުގައި ފާހަގަކުރެވެއެވެ. އަހަރެމެންނަށް އޮތީ ﷲ ތަޢާލާގެ ކުލަދުންވަންތަކަމާއިމެދު ވިސްނައި ފިކުރުކުރުމެވެ. ﷲ ތަޢާލާއަށް ބިރުވެތިވެ ތަޤްވާވެރިކަން އިތުރުކުރަން މަސައްކަތްކުރުމެވެ.
ގުޅުންހުރި ލިޔުމެއް:
https://edition.cnn.com/2003/TECH/space/07/22/stars.survey/
