ކޮރޯނާ އާއި ގުޅިގެން މާލެ ސީޓީގެ މިސްކިތްތައް ބަންދުކުރުމަށްފަހު އަލުން ހުޅުވައި ނަމާދުކުރަން ފެށީންސުރެ ބައެއް މިސްކިތްތަކުގައި އަންނަނީ ސުންނަތާއިއެއްގޮތަށް ސަފުހަދައި ނަމާދުކުރަމުންނެވެ.
މިއަދުނޫހަށް މައުލޫމާތުލިބިފައިވާ މިސްކިތްތަކާއި މީހުންނަށްބަލާއިރު މިއަދާއި ހަމައަށްވެސް އެގޮތަށް ނަމާދުކުރާ އެއްވެސް މީހަކަށް ކޮރޯނާ ޖެހިފައެއް ނުވެއެވެ. އަދި އެންމެ ކުޑަމިނުން އެއިން މީހެއްގެ ގެއަށް ކޮރޯނާވަދެގެން ކަރަންޓީނުކުރަންވެސް ޖެހިފައެއް ނުވެއެވެ. މިކަމުން އެނގެނީ ސުންނަތާއި އެއްގޮތަށް ސަފުގައި ތިބެގެން ނަމާދުކުރުމަކީ ކޮރޯނާޖެހޭކަމެއް ނޫންކަމެވެ.
މިސްކިތުގެ ޖަމާއަތަށް ނަމާދަށް ދާ މީހުންނަށް ބަލާއިރު ދާދިފަހަކާއި ޖެހެންދެން ޖަމާއަތަށް ގޮސްއުޅުނު ދިވެހިންގެ އަދަދު ބަންގްލަދޭޝް މީހުންނަށްވުރެ ވަރަށް ބޮޑުތަން މަދެވެ. ނަމަވެސް ކޮރޯނާ ޖެހުނު މީހުންގެ ތެރޭގައި ގިނައީ ދިވެހިންނެވެ.
"އަޅުގަނޑު އަރައިއުޅޭ މިސްކިތްތަކަށްބަލާއިރު ފެށުނީންސުރެ ޖަމާއަތުގައި ބައިވެރިވާ ޢުމުރުން ދުވަސްވީ މީހުންގެ ތެރެއިން އެއްވެސް މީހަކަށްވެސް ކޮރޯނާ ޖެހުނުކަން އެނގިފައިނުވާކަން މިފުރުޞަތުގައި ފާހަގަކޮށްލަމެވެ."
މާލެ ސިޓީގެ ޙާލަތު މިވަނީ މާތް ﷲ ވާގިފުޅާއިއެކު ބަދަލުވެފައެވެ. ކާފިޔުވެސް އުވާލައިފައެވެ. ވީއިރު މިސްކިތްތަކުގައި ދަރުސްދިނުން ހުއްޓުވާފައި ބާއްވަން ޖެހޭ އެއްވެސް ސަބަބެއް މިހާރު އޮތްކަން ފާހަގައެއް ނުކުރެވެއެވެ.
ދަރުސް އަޑުއަހަން މީޙުން އަބަދުވެސް ތިބެނީ ދުރުދުރުގައެވެ. އެކަށީގެންވާ ދުރުމިނެއްގައެވެ. އެހެންކަމުން މިސްކިތްތަކުގައި ދަރުސްދޭން ފެށުމުގެ ހުއްދަ ދިނުމަށް ދީނީ ޢިލްމުވެރިން މިހާރު ގެންދަވަނީ އިލްތިމާސްކުރައްވަމުންނެވެ.
ސުންނަތާއި އެއްގޮތަށް ސަފުހަދައި ނަމާދުކުރުމަކީ ކޮރޯނާ ފެތުރޭ ސަބަބެއް ނޫންކަން އެންމެ ބޮޑަށް ޔަޤީންކުރެވުނީ ޕާކިސްތާނާއި ސައުދިޢަރަބިޔާގެ ޙާލަތުންނެވެ.
ސައުދިޢަރަބިޔާއަކީ ޞިއްހީ ހުރިހާ ވަސީލަތްތަކެއް އެންމެ ފުރިހަމައަށް ހުރި ޢަރަބި ޤައުމެވެ. ކޮރޯނާ ޖެހުމުން ޢަމަލުކުރީ ބިދުޢައަށެވެ. މިސްކިތްތައް ބަންދުކުރުމަށްފަހު ހުޅުވީ 4 ފޫޓު ދުރުގައި ތިބެ ނަމާދުކުރާ ގޮތަށް އިންތިޒާމުކޮށްގެންނެވެ. ރަމަޟާންމަހު ތަރާވީޙް ނަމާދެއް ދަމުނަމާދެއް ޖަމާއަތުގައި ނުކުރެއެވެ.
ޕާކިސްތާނަކީ އެންމެ ކުޑަމިނުން ޞިއްހީ ޚިދުމަތްތެރިން ބޭނުންކުރާނެ ޕްރޮޓެކްޓިވް ގިއަރ ވެސް ނެތް ޞިއްޙީ ގޮތުން ވަރަށް ދަށުދަރަޖައިގައި އޮތް ޤައުމެކެވެ. ވަސީލަތް ނެތިގެން ޞިއްހީ ޚީދުމަތްތެރިން މަގުތަކަށް ނުކުމެ މުޒާހަރާކުރި ޤައުމެކެވެ. ނަމަވެސް މިސްކިތްތަކުގައި ނަމާދުކުރިއެވެ. މިއަހަރުގެ ރަމަޟާން މަހު ޖަމާޢަތުގައި ތަރާވީޙް ނަމާދާއި ދަމުނަމާދުކުރި ހަމައެކަނި ޤައުމަކީ ޕާކިސްތާނުކަމަށް ބެލެވެއެވެ.
ޕާކިސްތާނުގެ ނިންމުމަކީ ބަލިވުމުން ފަރުވާކުރާނީއެވެ. އެމީހަކަށް ވެވުނުވަރަކަށް ރައްކައުތެރިވާނީއެވެ. ﷲ އެންގެވި ގޮތަށް ނަމާދުކޮށް ދުޢާކުރާނީއެވެ. އެއިރުން ﷲ ރައްކައުތެރިކަން ދެއްވަވާނެއެވެ.
އެކަމުގެ ނަތީޖާ ވެސް ފެނުނެވެ. ރަމަޟާން މަސްނިމި އެތައް ދުވަހެއްވީއިރުވެސް ޕާކިސްތާނު އޮތީ ދުނިޔޭގެ ކޮރޯނާ ލިސްޓުގައި ސައުދިޢަރަބިޔާއަށްވުރެ 7،8 ދަރަޖަ ފަހަތުގައެވެ. ނަމަވެސް މިހާރު ޙާލަތުވަނީ ބަދަލުވެފައެވެ. މިހާރު ފަހަތުގައި ވަނީ ސައުދިޢަރަބިޔާއެވެ. އެކަމާއި ގުޅިގެން ޕާކިސްތާނުގެ ބައެއް ޢިލްމުވެރިން ވިދާޅުވެފައިވަނީ ޙާލަތު ބަދަލުވީ ރަމަޟާން މަސް ދިއުމުން މީސްތަކުން ނަމާދަށް ފަރުވާކުޑަކޮށް ނަމާދާއި ދުރުހެލިވުމުން ކަމަށެވެ. ދުޢާކުރުން މަދުކުރުމުން ކަމަށެވެ.
ވީމާ އެނގިގެން މިދަނީ ބަލިތަކުން ސަލާމަތްވެވިގެން ތިބެވުން އޮތީ ސަބަބުތަކުގައި ހިފަހައްޓައިގެން ތިބެ ނަމާދުކޮށް ދުޢާކުރުމުން ކަމެވެ.
Male ah bodethi luithah dheveyiru, Miskithuge dharus thah ithurah lasnukoh feshumakee mihaaru dhivehin enme beynun vaa kanthah.
— Ali Zaid (@alizaid1000) December 19, 2020
Mihaaru mujuthamaun fenna luithakaa manzaruthakah balaairu, @HPA_MV in Miskihthakuge dharusthakah furusathu dhinumah alhugandu ilthimaas kuran!
