މުސްކުޅި ޢުމުރު ނުލިބި ގިނަ ބައަކު މަރުވެއެވެ. އަދި އެއްވެސް ބައްޔެއް ނުވެވެސް ގިނަ ބައަކު ހަމަ ކުއްލިއަކަށްވެސް މަރުވެއެވެ. އެ އެންމެންގެ ފުރާނނައަށްވެސް ﷲ ތަޢާލާ ހެޔޮ ރަޙްމަތް ލައްވަވާށި! އާމީން
އަނެއްބައަކު މަރުވަނީ މުސްކުޅި ޢުމުރުގައި ގިނަ ދުވަސްތަކަކު ދުނިޔޭގައި އުޅުމަށް ފުރުޞަތު ލިބިފައެވެ. އަދި ބައެއް މީހުން މަރުވަނީ ބޮޑެތި ބަލިތަކުގައި ގިނަ ދުވަސްތަކެއް ވޭތިކުރުމަށްފަހުގައެވެ. އަދި ބައެއް މީހުން މަރުވަނީ ބަލީގެ ބާވަތުން ދެން ބަލިފަސޭހަނުވާނެކަންވެސް އެނގޭތާ ގިނަ ދުވަސްތަކެއް ފަހުންނެވެ.
މިހާލަތު އެއްވެސް މީހަކަށް މިންވަރުކުރައްވަވައިފިނަމަ އެއީ މީހަކަށް ލިބޭނެ އެންމެ ބޮޑު ނިޢްމަތެވެ. އެހެނީ އެމީހަކަށް އެދެއްވަވަނީ މަރަށް ތައްޔާރުވުމުގެ ފުރުޞަތެވެ. ތައުބާވުމުގެ ފުރުޞަތެވެ. ހެޔޮ އަމަލުތައް ކުރުން ގިނަކުރަން ހިތްވަރު ލިބިގަތުމުގެ ފުރުޞަތެވެ. ދުނިޔޭގައި ހުރެ މީސްތަކުންގެ ޙައްޤުތަކުން ސަލާމަތްވުމުގެ ފުރުޞަތެވެ!
ވީމާ މިބަޔާންކުރި ފުރުޞަތުތައް ދެއްވަވައިފި މީހަކު އެފުރުޞަތުތަކުގެ ބޭނުން އެންމެ ހެޔޮގޮތުގައި ހިފައި އާޚިރަތަށް ތައްޔާރުވާށެވެ! ﷲ ތަޢާލާ އާއި ބައްދަލުވުމަށް ތައްޔާރުވާށެވެ!
- މުފްތީ މެންކްގެ ދަރުސަކުން
