ޤިޔާމަތްދުވަހު ރަސޫލް ﷺ އާއި ކައިރިވެސް ވިއަނުދީ މަލާއިކަތުން އެބައަކު ދުރުކުރައްވަވާނެ ބައަކު މިއުންމަތުގައިވާނެއެވެ. އެކަމާއި ރަސޫލް ﷺ ކަންބޮޑުވެވަޑައިގެން އެއީ ތިމަންކަލޭގެފާނުގެ އުންމަތުގެ މީހުން ކަމުގައި ޙަދީޘްކުރައްވަވާނެތެވެ. ޖަވާބުގައި ﷲ ތަޢާލާ ވަޙީކުރައްވަވާނީ "ރަސޫލް ﷺ އަށްފަހު އެމީހުން އުޅުނުގޮތް ރަސޫލް ﷺ އަށް އެނގިވަޑައި ނުގަންނަވާ ކަމަށެވެ."
ޙަދީޘް ފުޅުގެ މާނައިގައިވަނީ ތިމަންކަލޭގެފާނަށް އެމީހުން ފާހަގަކުރެއްވެވޭނެކަމަށާއި އެމީހުންނަށް ވެސް ތިމަންކަލޭގެފާނު ފާހަގަކުރެއްވެވޭނެ ކަމަށެވެ. ނަމަވެސް ތިމަންކަލޭގެފާނާއި ހަމައައުން އެމީހުންނަށް މަނާކުރެވި ދުރުކުރެވޭނެ ކަމަށެވެ.
It was narrated that Sahl ibn Sa‘d said:
The Prophet (blessings and peace of Allah be upon him) said:
“I will reach the Cistern ahead of you. He who comes to me will drink, and whoever drinks will never thirst again. There will come to me some people whom I will recognize and they will recognize me, then they will be prevented from reaching me. I shall say: ‘They are of me,’ but it will be said: ‘You do not know what they introduced after you were gone.’ So I shall say: ‘Away, away with those who changed (the religion) after I was gone.’”
Narrated by al-Bukhaari (6212) and Muslim (2290)
ޤިޔާމަތް ދުވަހު ސުވަރުގެ ލިބުންވަނީ ރަސޫލް ﷺ ގެ އަރިއަހުގައިވެވިގެންނެވެ. ރަސޫލް ﷺ ގެ އަތްޕުޅުން "ކައުޘަރު" އާރުން ފެންބޮވުނު މީހުންނަށެވެ. ވީމާ އެނިޢްމަތް ނުލިބިއްޖެ މީހަކީ ސުވަރުގެ ލިބޭނެ މީހެއް ނޫނެވެ.
ޢިލްމުވެރިން ބަޔާންކުރައްވަވާގޮތުގައި ދުރުކުރައްވަވާނެ މީހުންގެ ތެރޭގައި މުނާފިޤުން ހިމެނެއެވެ. ކީރިތި ޤުރްއާން ދޫކޮށްލައި ޢަމަލުނުކުރި މީހުންނާއި ރަސޫލް ﷺ ގެ ސުންނަތް ދޫކޮށްލައި އަމިއްލަ ގޮތްތައް އުފައްދައިގެން އުޅުނު މީހުން ހިމެނެއެވެ.
ވީމާ ޤިޔާމަތްދުވަހު ރަސޫލް ﷺ ގެ އުންމަތުގެ މީހުންގެތެރޭގައި ހުރެވޭނީ މި ބަޔާންކުރެވުނު ކަންކަމުން ސަލާމަތްވެވި ހުރެވުނު މީހަކަށެވެ. އީމާންކަމުގައި ސާބިތުވެ ޤުރްއާނަށާއި ސުންނަތަށް ޢަމަލުކުރި މީހުންނަށެވެ. ޤުރްއާނާއި ސުންނަތް ދޫކޮށްލައި އަމިއްލައަށް ކަންކަން އުފައްދައިގެން ޢަމަލުކުރާ މީހުން ދާނީ ބާކީވެގެންނެވެ.
- އިސްލާމީ ތިލަފަތުގެ ދަރުސަކުން
