"އެހެން މީހުންނާއި ވާދަކުރަން ކުރިމަތިލުން އިހަށް ލަސްކޮށްލާށެވެ! ފުރަތަމަ ތިމާ، ތިމާ އާއި ވާދަކުރާށެވެ. އެއީ އިއްޔެ ތިބާއަށް ކުރެވުނުވަރަށްވުރެ ގިނައިން މިއަދު ހެޔޮ ކަންކަން ކުރުމަށެވެ. މިއަދަށްވުރެގިނައިން މާދަމާ ހެޔޮކަންކަންކުރުމަށެވެ.
އެހެން މީހުންގެ ދަނޑަށް ބަލައި ކަޅިއެޅުމަކުން އަދި ހަސަދަލުމަކުން ތިބާގެ ދަނޑު ފެއްސެއް ނުކުރެވޭނެއެވެ. ތިބާގެ ދަނޑު ފެހިކުރެވޭނީ ތިބާ އެކަމަށް މަސައްކަތްކުރުމުންނެވެ."
މުފްތީ މެންކް ވިދާޅުވެފައިވާ މިބަސްފުޅަށް ކުޑަމިންވަރެއް އިތުރުކޮށްލާނަމެވެ.
އެހެން މީހުންނަށް ދެއްވަވާފައިވާ ނިޢްމަތްތަކަށް ބަލައި ހަސަދަވެރިވެ ފަހަތުން ނުދުވާށެވެ. ވާދަކުރަންވީވެސް ހަމަ އެންމެ ކަމަކަށެވެ! އެއީ ތިމާއަކީ އެންމެ ތަޤްވާވެރި، އްމެ ގިނައިން ހެޔޮ ޢަމަލުކުރާ މީހަކުކަމުގައިވުމަށެވެ. ތިމާއަކީ އެންމެ އަޚްލާޤް ރަނގަޅު މީހާކަމުގައިވެ ސުވަރުގޭގެ އެންމެ މަތީދަރަޖައިން ޖާގަހޯދުމަށެވެ. ތިމާއަކީ މައިންބަފައިންނަށް އެންމެ ހެޔޮ، އެންމެ ޚިދުމަތްކުރާ މީހާކަމުގައިވުމަށެވެ. އަދި އަނބިދަރީންނަށާއި މީސްތަކުންނަށްވެސް މެއެވެ.
- އިސްލާމީ ތިލަފަތުގެ ދަރުސަކުން
