ޙަރާމްތަކެތި އަނބިދަރިންނަށް ކާންބޯން ދިނުމަކީ ތިމާގެ އަމިއްލައަތުން އެމީހުން ނަރަކައަށް އުއްލައިލުން ކަމަށާއި އެފަދަ ކަންކަން ނުކޮށް ތިމާ ޢާއި އަނބިދަރިން ނަރަކައިން ސަލާމަތްކުރަން މަސައްކަތްކުރަން މިއަދުގެ ހުކުރު ޚުޠުބާގައި އިލްތިމާސްކޮށްފިއެވެ.
ޚުޠުބާގައި ބަޔާންކޮށްފައިވަނީ ޙަރާމްތޔަކެތި ކާންދިނުމުން ދަރިން ބަސްނާހައި އުޅޭ ވިޔާނުދާކުދިންނަށް ބަދަލުވެގެންދާކަމެވެ. ޒުވާނުންގެ ތެރެއިން ބައަކު މާރާމާރީ ހިންގުމާއި ފާހިޝް އަމަލުތައް ކުރުމާއި އެނޫންވެސް ފާފަތައް ކުރަމުން ގެންދާ ސަބަބާއިމެދު ވަރަށް ބޮޑަށް ވިސްނަންޖެހިފައިވާ ކަމެވެ.
ރިޝްވަތު ދިނުމާއި ރިޝްވަތު ހިފުމާއި އެކަމުގައި މެދުވެރިވުމަކީވެސް ޙަރާމްކަންކަން ކަމަށާއި އެކަންކަމުން ލިބޭ ފައިސާ އާއި ތަކެތި ކައިގެން ޖަހާ މަސް ދިއުން ގާތީ ނަރަކައަށްކަންވެސް ޤިރްއާނާއި ޙަދީޘުން ވަނީ ހާމަކޮށްފައެވެ.
އަދި މިއަދު މުޖުތަމައުތަކުގައި ރިޝްވަތުދިނުމާއި ރިޝްވަތު ހިފުން ޢާންމުވެފައިވާވަރުން އެއީ ފާފައެއްކަމަށް ނުދެކޭ ހިސާބަށް ކަންކަން ގޮސްފައިވާއިރު އެއީ ވަރަށްބޮޑަށް ކަންބޮޑުވާންޖެހޭ ކަމެއްގެ ގޮތުގައިވެސް ވަނީ ފާހަގަކޮށްފައެވެ.
