ކްރިސްމަސް ޢާއި ގުޅުވައިގެން ނަމަވެސް އަދި އެހެން ދީނެއްގެ ޢީދަކާއި ގުޅިގެން ނަމަވެސް ހަދިޔާ ބަދަލުކުރުމާއި ހެޔޮ އެދުންތައް ފޮނުވުމަކީ މުރުތައްދުވާ ފަދަ އަމަލެކެވެ.
މުސްލިމުންނަކީ އެމީހުންގެ އިލާހަކީ ހަމައެކަނި ﷲ ތަޢާލާކަމަށް ހިތުގެ ޤަބޫލުކޮށްގެން ތިބޭ ބައެކެވެ. ވީމާ ދެވަނަ ކަލަކު ވާކަމަށް ޤަބޫލުކުރުމަކީ ﷲ ތަޢާލާޢަށް ކުރެވޭ ބޮޑުވެގެންވާ ފުރައްސާރައެކެވެ. ﷲ ތަޢާލާޢަށް ދަރިކަލަކުވާކަމަށް ޤަބޫލުކުރުމަކީ ކިހިނަކުން ކުރެވޭނެ ކަމެއްހެއްޔެވެ؟
ކްރިސްމަސް އާއި ގުޅިގެން ހަދިޔާއެއް ދީފިނަމަ އެކުރެވެނީ ކީއްކަން އެނގޭ ހެއްޔެވެ؟ އެކުރެވޭ ކަމަކީ ބޮޑުވެގެންވާ ފާފައެކެވެ. އެބުނެވެނީ "އަހަރެންނަކީ ﷲ ތަޢާލާގެ އެއްކައުވަންތަކަން ޤަބޫލުކޮށްގެންހުރި މުސްލިމަކީމެވެ. މިއޮތީ ކަލެއަށް އޮތް ކްރިސްމަސް ހަދިޔާއެވެ. އަހަރެންގެ ފަރާތުން މިހަދިޔާ ޤަބޫލުކުރާށެވެ. އަދި ﷲ ތަޢާލާ އާއި އެހެން ފަރާތްތައް ބައިވެރިކޮށް މަޖާކޮށްލާށެވެ."
ﷲ ތަޢާލާޢާއި އެއްވެސް ފަރާތެއް ބައިވެރިކުރުވުމަކީ ﷲ ތަޢާލާއަށް ކުރެވޭނެ އެންމެ ބޮޑު ފުރައްސާރަ ނޫންކަމަށް ހެދޭނެ އެއްވެސް ގޮތެއް އޮތްކަމަކަށް ނުހެދޭނެއެވެ. ނިކަން މަރްޔަމް ސޫރަތުގެ މިއާޔަތްތައް ކިޔައިބަލާށެވެ.
"ރަޙްމާންވަންތަ ރަސްކަލާނގެ، ދަރިކަލަކު ހިއްޕެވިކަމަށް އެ ކާފަރުވި މީހުން ބުނޫއެވެ. (88) ހަމަކަށަވަރުން، ތިއަބައިމީހުން، ތިއަ ގެނައީ، ވަރަށްވެސް ނުބައިވެގެންވާ ބަހެކެވެ. (89) އެކަމުގެ ސަބަބުން، އުޑުތައް ފަޅަފަޅައިގެން ގޮސް، ބިންގަނޑު އިރައިރައިގެން ގޮސް، ފަރުބަދަތައް ކުދިކުދިވެ، ވެއްޓިގެންދިއުން ކައިރިވެގެންވެއެވެ. (90) އެއީ ރަޙްމާންވަންތަ ރަސްކަލާނގެއަށް ދަރިކަލަކުވާކަމަށް އެއުރެން ގޮވުމުންނެވެ.(91) ފަހެ ދަރިކަލަކު ހިއްޕެވުން ރަޙްމާންވަންތަ ރަސްކަލާނގެއަށް އެކަށީގެނެއް ނުވެއެވެ. (92) ރަޙްމާން ވަންތަ ރަސްކަލާނގެ ހަޟްރަތަށް އަޅުގެ ގޮތުގައި ނުއަންނާނެ ހަމައެކަކު ވެސް އުޑުތަކުގައްޔާއި ބިމުގައި ނުވެއެވެ. (93)
ﷲ ތަޢަލާ ބަޔާން ކުރއްވަވާފައި މިވަނީ އެކަލާނގެ ދަރިކަލަކު ހިއްޕެވިކަމަށް އެ ކާފަރުވި މީހުން ބުނިބުނުމަކީ އެމީހުން ގެނައި (ބުނި) ވަރަށްވެސް ނުބައިވެގެންވާ ބަހެއް ކަމަށެވެ. އަދި އެއީ އެކަމުގެ ސަބަބުން، އުޑުތައް ފަޅަފަޅައިގެން ގޮސް، ބިންގަނޑު އިރައިރައިގެން ގޮސް، ފަރުބަދަތައް ކުދިކުދިވެ، ވެއްޓިގެންދިއުން ކައިރިވެގެންވާ ފަދަ ނުބައިކަން ބޮޑު ބަހެއް ކަމަށެވެ.
ސަބަބަކީ ރަޙްމާންވަންތަ ރަސްކަލާނގެއަށް ދަރިކަލަކުވާކަމަށް އެއުރެން ގޮވުމުން ކަމަށާއި ދަރިކަލަކު ހިއްޕެވުން ރަޙްމާންވަންތަ ރަސްކަލާނގެއަށް އެކަށީގެން ނުވާތީ ކަމަށެވެ. ހަމައެއާއިއެކު ރަޙްމާން ވަންތަ ރަސްކަލާނގެ ހަޟްރަތަށް އަޅެއްގެ ގޮތުގައި ހާޒިރުވާން ނުޖެހޭނެ ހަމައެކަކު ވެސް އުޑުތަކުގައްޔާއި ބިމުގައި ނުވާ ކަމެވެ.
މިހައި ސާފު އިބާރާތުން ﷲ ތަޢާލާ މިކަން ބަޔާންކޮށް ދެއްވަވާފައި ވަނިކޮށް އަހަރެމެން ހަދިޔާ ހިފައިގެން ގޮސް މިބުނަނީ އެވެ. އޭއަޚާއެވެ. ﷲ ތަޢާލާ އާއި އެހެން އެއްވެސް ފަރާތެއް ބައިވެރިކުރުމަކީ ﷲ ތަޢަލާ އަށް ކުރެވޭނެ އެންމެ ބޮޑު ފުރައްސާރައެވެ. އެކަމަކުވެސް އެއީ މައްސލައެއް ނޫނެވެ. މިއޮތީ އަހަރެންގެ ހަދިޔާއެވެ. އުފާކޮށްލާށެވެ. އަހަރެންނަކީ މުސްލިމަކީމެވެ. މިއި ކޮން ގޮތަކުން ކުރެވޭނެ ކަމެއް ހެއްޔެވެ؟
ހަމައެކަނި ކްރިސްމަސްގަ އެއް ނޫނެވެ. ހެޕީ ދިވާލީ އެވެ. ބުނުމަކީވެސް ހަމަ މިފަދަ ކަމެކެވެ. އެއިރުން އެ ތާއީދު ކުރެވެނީ ﷲ ތަޢަލާ ނޫން ފަރާތްތަކަށް އަޅކަން ކުރުމަށެވެ. އެކަމަށް ހިތްވަރުވެސް ދެވެނީއެވެ.
ހޭވެރިވެބަލާށެވެ! އެންމެ ބޮދުފާފަތައް ކުރަން ހިތްވަރުދީ ހަދިޔާ ދިނުމަކީ ކޮންފަދަ ބޮޑު ފާފައެއް ހެއްޔެވެ؟ ނަމަވެސް މިކުރަނީ އެކަމެވެ.
މީސްތަކުންނޭވެ! އެއްވެސް ދުވަހަކީ އެއްވެސް މުހިންމު ކަމެއް އޮތް ދުވަހެއް ނޫނެވެ. ތިބާ އުފަންވީ ތާރީޚަކީ ﷲ ތަޢާލާގެ ޙަޟްރަތުގައި އެއްވެސް މުހިންމު ދުވަހެއް ނޫނެވެ. މާނައަކީ ވަކި ދުވަހަކު އުފަންވުމުން އެއްވެސް ޚާއްޞަ ކަމެއް ނެތެވެ. ކޮންމެ ދުވަހަކު އުފަންވި ނަމަވެސް ކުރަން އޮތް ހަމައެކަނި ކަމަކީ ﷲ ތައާލާގެ ރުހިވޮޑިގަތުން ހޯދަން ގަދައަޅައި މަސައްކަތް ކުރުމެވެ.
- މުފްތީ މެންކްގެ ދަރުސަކުން
