ނަމާދުގެ އިހު ސުންނަތް ކުރަން މިނިސްޓްރީން ކުރިންވެސް ދީފައި ވަނީ ވަރަށް ކުޑަ ވަގުތުކޮޅެކެވެ. ކޮރޯނާއަށް ބިރުގަތްވަރުން އެވަގުތުކޮޅުންވެސް ބައެއް ވަނީ އަތުލައިފައެވެ. ކޮރޯނާގެ ބިރުފިލުމުން މިހާރުޕާޓީކުރުމާއި ގައިގޯޅީވެ ނެށުމުގެ ހަރަކާތްތައްވެސް ކުރިއަށް ގެންދަން ސަރުކާރުން ވަނީ ހުއްދަދީފައެވެ.
މިހާލަތުގައިވެސް ނަމާދުގެ އިހު ސުންނަތްކޮށްލަން ކުރިން ލިބުނު ވަގުތުކޮޅުވެސް އަދިވެސް ލިބެނީ ބައެއް މިސްކިތްތަކުގައެވެ. އެވަގުތުކޮޅުންވެސް އިމާމުން ގެންދަނީ ބައެއް އަތުލައިގަންނަމުންނެވެ.
މިކަމުގައި އަމަލުކުރާނެ ގޮތެއް އަދިވެސް އިސްލާމިކް މިނިސްޓްރީން އިމާމުންނަށް ނުއަންގަވާ އޮތްނަމަ އެކަން ކޮށްލެދެއްވުން ވަރަށްބޮޑަށް އެދެވިގެންވެއެވެ. އެންމެކުޑަމިނުން އިހުސުންނަތްކުރަން ކުރިން ދީފައި އޮތް މިންވަރަށް ވަގުތުކޮޅެއް ދެއްވުމަކީ ގިނަބައެއްގެ ވަރަށް ބޮޑު އާދޭހެކެވެ.
ކޮރޯނާ ދެކެ ގަންނަ ބިރުގެ ކުރިއަށް ކޮރޯނާ ފޮނުއްވެވި ﷲ އަށް ތަޤްވާވެރިވުން އިތުރުކުރަން ގިނަބައަކު ބޭނުންވެއެވެ.
