ރާއްޖޭގެ ގޮނޑުދޮށްތަކުގައި ހުރި ދޮންވެއްޔަށްވުރެ ރާއްޖޭގައި ހަރުކަށުފިކުރު ގިނަވެއްޖެކަމަށް ބެލެވެއެވެ. ރާއްޖޭގެ ގެތަކުގެ ތެރެއިން އެގެއަކަށް ކާފިރުން ޒިޔާރްތަކުރާ ގެއެއްގައި އެމީހުންނަށް އިޙްތިރާންކުރުމުގެ ނަމުގައި ސަލީބާއި ބުދު ނުބެހެއްޓުމަކީވެސް ހަރުކަށުފިކުރުކަމަށް މިހާރު މިވަނީ ހަދައިފައެވެ.
އެގޮތަށް ވިސްނައިގެން އިސްލާމްދީނުގެ ބިންގަލަށް ނިޔުކްލިއަރު ހަމަލާދީ މުސްލިމުންގެ ކަންކަށިމަތީގައި ކޮޅުފައިން ތަޅަމުންގެންދާ ނިޔުކްލިއަރު މަޑުކަށިފިކުރުގެ މިހުންނަށް ޝައިޚް އަނީލް ވަނީ ސުވާލެއް ކުރައްވައިފައެވެ.
ޝައިޚް އަނީލް ވިދާޅުވެފައިވެއެވެ. "އޮޅުވާނުލައްވާށެވެ! އެހެން ދީންތަކުގެ މީހުންނަށް އެމީހުންގެ ދީންތަކުގެ އިޙްތިފާލްތަކުގައި ތަހުނިޔާ ނުކިޔަން ބުނުމަކީ ހަރުކަށިކަމުގެ ޢަލާމާތެއް ނޫނެވެ!
މަދީނާގެ ޔަހޫދީންނަށް ނަބިއްޔާ ﷺ ތަހުނިޔާވިދާޅުވިއަޑު އެއްސެވީމުތޯއެވެ.؟"
މިސުވާލުކުރުމުން މަޑުކަށިފިކުރަށް ވާގިދޭ ބޮޑުން ބުނާނެއެވެ. " ޔަހޫދީންނަށް ހެޔޮކޮށް ހިތްތެވިއެވެ. ސަލާމް ބަދަލުކުރެއްވެވިއެވެ. އަދި އަވަށްޓެރިންގެ ގޮތުގައިވެސް ޔަހޫދީން ތިއްބެވެ. އެމީހުންނަށް ވެސް ހެޔޮކޮށް ހިއްތެވިއެވެ. މިހިރީ އެމީހުންގެ ޢީދުތަކުގައި ތަހުނިޔާކިޔަންޖެހޭ ކަމުގެ ހެކިތަވެ. ދުނިޔެލާގުޅައެއްވަރުވެއްޖެއެވެ. ފެންފޮދަކާއި ނުލައި ދިރުވައިލެވޭހައިވެސް ކުޑަވެއްޖެއެވެ. ދިރުވައިނުލައި ދުނިޔޭގައި އުޅޭނީ ކިހިނަކުންތޯއެވެ؟
ހިތާމައާއިއެކު ދަންނަވަންޖެހެނީ އެހެން ދީންތަކުގެ މީހުންނަށް ހެޔޮކޮށްހިތުމަށާއި އެމީހުންނަށްވެސް ސަލާމް ގޮވުމަށް އިސްލާމް ދީނުގައި އޮތުމަކީ އެމީހުން ފާހަގަކުރާ ދީނީ މުނާސަބާތަކުގައި ބައިވެރިވުމާ އެމީހުން ފާހަގަކުރާ ޢީދުތަކާ ގުޅިގެން ތަހުނިޔާކިޔަން ހުއްދަވާނެ ސަބަބެއް ނޫނެވެ.
