ކޮންމެ މީހަކުވެސް އެންމެ ބޮޑަށް އުފާވާނީ އެމީހަކީ އެމީހެއްގެ ފާފަ ފުއްސަވައިދެއްވަވާނެ ނުވަތަ ދެއްވަވާފައިވާ މީހަކުކަމުގައިވުމުންނެވެ. އަދި ﷲ ތަޢާލާގެ ދީލަތި ދަރުމަ ލިބިގެންވާ މީހަކުކަމުގައިވުމުންނެވެ.
އެ މަތިވެރި ނިޢްމަތްތައް ލިބުންވަނީ ކޮންބައަކަށްކަން މިއާޔަތުން އެނގިގެންދެއެވެ.
"ކަލޭގެފާނު އިންޛާރުކުރައްވާކަން ކަށަވަރީ، ޤުރްއާނަށް ތަބަޢަވެ، ޣައިބުގައި ރަޙްމާންވަންތަ ރަސްކަލާނގެއަށް ބިރުވެތިވާ މީހާއަށެވެ. ފަހެ، އެމީހާއަށް ފާފަ ފުއްސެވުމާއި، ދީލަތި ދަރުމައެއް ހުރިކަމުގެ އުފާވެރިކަމުގެ ޚަބަރު ކަލޭގެފާނު ދެއްވާށެވެ!" (ޔާސީން: 11)
އެއްވެސް ޝައްކެއްނެތް ގޮތުގައި އެމީހަކީ "ޤުރްއާނަށް ތަބަޢަވެ، ޣައިބުގައި ރަޙްމާންވަންތަ ރަސްކަލާނގެއަށް ބިރުވެތިވާ މީހާ" އެވެ.
ޤުރްއާނަށް ތަބަޢަވުމަކީ އެންމެ ފުރިހަމަ ގޮތުގައި ޤުރްއާނަށް ޢަމަލުކުރުމެވެ. ދެން ބަޔާންކުރައްވަވާފައިއެވަނީ އެމީހެއްގެ ލޮލަށް ﷲ ތަޢާލާ ނުފެންނަ ޙާލުގައިވެސް ﷲ ތަޢާލާއަށް ބިރުވެތިވުމެވެ. ވީމާ އެނގިގެން މިދަނީ ޤުރްއާނަށް ތަބަޢަވެ، ޢަމަލުކުރާ އަދި ﷲ ތަޢާލާއަށް ބިރުވެތިވާ މީހާއަށް އޭނާގެ ފާފަތައް ފުއްސަވައިދެއްވަވާނެކަމެވެ. އަދި ﷲ ތަޢާލާގެ ދީލަތި ދަރުމަ އެމީހަކަށް ލިބިގެންދާނެ ކަމެވެ.
ސުވާލަކީ ތިމާއަކީ އެފަދަ މީހަކު ހެއްޔެވެ؟
- އިސްލާމީ ތިލަފަތުގެ ދަރުސަކުން
