ތިބާގެ ދިރުއުޅުމުގެ ކަންކަން ކުރިއަށްދާގޮތުން ، ވަރަށް ގާތުން ވަގުތުނަ ވަގުތަށް ބަލަހއްޓާ ބައަކު އުޅޭނެއެވެ. އެއީ ކޮންމެހެން ތިބާ އާއި ރުހިގެން ނުވަތަ ތިބާ ދެކެ ލޯބިވާތީއެއް ނޫނެވެ. ތިބާގެ ދިރިއުޅުން ކުރިއަރަމުންދާތީ އެކަމަށް ނުރުހެވިގެންނެވެ.
އެފަދަ މީހުންނަކީ ބޮޑެތި ޢަދާވާތްތެރިންނެވެ. އެފަދަ މީހުންނަކީ ތިބާގެ ދިރިއުޅުމަށް ވިހަލާ މީހުންނެވެ. އެމީހުންގެ ހަސަދައިންނެވެ.
ޙައްލަކީ ތިމާގެ ހިތް ޠޯހިރުކޮށް ﷲ ތަޢާލާ މިންވަރު ކުރެއްވެވި ކަމެއް ނޫނީ ތިމާއަށް ކުރިމަތިނުވާނެކަން ޔަޤީންކޮށްގެން ހުރުމެވެ. އެމީހުންގެ ހިތްތަކުގައިވާ ކަންކަންވެސް ﷲ ތަޢާލާ ދެކެދެނވޮޑިގެންވެއެވެ. އަދި ތިބާގެ ހިތާއި ތިބާގެ ޢަމަލުތައްވެސްމެއެވެ.
ވީމާ އަބަދުވެސް ތިމާގެ ހިތް ޠޯހިރުކޮށް ހެޔޮ ޢަމަލުތައް ކުރުންމަތީގައި ސާބިތުވާށެވެ! ތިބާއަށް ދެރައެއް ދެވޭނެ ހަމައެކަކުވެސް ނުހުންނާނެއެވެ. އިން ޝާ ﷲ
- މުފްތީ މެންކުގެ ދަރުސަކުން
