ފައސާއިން އުފާވެރިކަން ނުހޯދޭނެ ކަމަށް ނުވަތަ ޙާޞިލު ނުކުރެވޭނެކަމަށް ބުނުމުން ގިނަބައަކު ދެކޮޅުހަދާނެއެވެ. އެފަދަ މީހުން ބުނާނީ ފައިސާ ދީފައި އުފާވެރިކަން ނުގަނެވޭނެ ކަމަށެވެ!
ޙަޤީޤަތަކީ ބައަކު ދެކޮޅުހެދިނަމަވެސް ފައިސާހުރިނަމަ ފައިސާ ޚަރަދުކޮށްފައި އުފާވެރިކަން ގަނެވޭނެ ކަމެވެ. އެތައް ހާސްބައަކު ކޮންމެ ދުވަހަކު އެގެންދަނީ އެކަންކުރަމުންކަމެވެ. ފައިސާ އަތުގައި ހުރެ ޚަރަދުކުރުމުން ބަދަލުގައި ކޮންމެވެސް މިންވަރެއްގެ އުފާވެރިކަމެއްވެސް ހިތަށް ލިބިދާނެއެވެ.
މިކަމުގައިވެސް ޙަޤީޤަތަކީ ފައިސާ ޚަރަދުކުރުމުން ގަނެވޭ ލޯބީގެ ބުރަދަން ކުޑަކަމެވެ. ނަމަވެސް އެހެން މީހުންނަށް އެހީތެރިވުމުން ލިބޭ ލޯބީގެ ބުރަދަން އެތައް ގުނައަކަށް ބޮޑުވެގެންދާކަމެވެ.
މިކަމަކީވެސް އެކިިފެންވަރުގައި ދިރާސާތައް ކުރެވިފައިވާކަމެކެވެ. އެކަމުގެ ނަތީޖާ އެންމެން ވެސް ޤަބޫލުކުރާ ކަމެކެވެ. ކަންހިނގަނީ މިބުނި މަގުންކަމަށް ގިނަބައަކު އިއްތިފާޤްވާކަމެކެވެ.
މިކަމުގައިވެސް ފޮރުވިފައިވާ ޙިކުމަތަކީ މީސްތަކުންނަށް އެންމެ މުހިންމީ އެހެން މީހުންނަށް އެހީތެރިވުންކަމެވެ. މީސްތަކުންނަށް އެހީތެރިވުމުން އެމީހަކަށް ﷲ ތަޢާލާ ދެއްވަވާ މަތިވެރިކަމެވެ. ނިޢްމަތްތަކެވެ. އުފާވެރިކަމުގެ ބޮޑުކަމެވެ.
ވީމާ ބޮޑަށް އުފާވެރިކަން ލިބެން އެދޭމީހާއަށް އޮތީ ގިނަގިނައިން އެހެން މީހުންނަށް އެހީތެރިވުންކަން މިހައިތަނަށް ކުރެވިފައިވާ ދިރާސާތަކުގެ އެހީގައި މުސްލިމުން ނޫން މީހުންނަށްވެސް މިހާރު ޔަޤީންކުރެވޭނެއެވެ. މުސްލިމުން މިތިބީ އަބަދުވެސް އެކަން ޤަބޫލުކޮށްގެންނެވެ!
- އުސްތާޛާ ޔާސްމިން މޮގަހިދް
