ހިތްދަތިކަން އެންމެ ބޮޑަށް ލިބެނީ ތިމާ އެމީހަކު ދެކެ އެންމެ ބޮޑަށް ލޯބިވާ މީހުންނާއި އެންމެ ގާތް އެކުވެރިންގެ ފަރާތުން އަނިޔާލިބުމުން ކަމަށްވީނަމަވެސް އެއީ ހުއްޓުވޭނެކަމެއް ނޫނެވެ!
ވީމާ އެފަދަ ކަންކަމަށް އެހައިބޮޑަށް ދެރަނުވާށެވެ! އަދި އެފަދަ ކަންކަމަށް އެހައިބޮޑަށް ސަމާލުކަންވެސް ނުދޭށެވެ!
ހިތަށް ޙަޤީޤީ އުފާވެރިކަމެއް ހޯދައިދެވޭނީ ހަމައެކަނި ﷲ ތަޢާލާއަށް ކަމުގައިވާއިރު އެކަލާނގެ ޙަޟްރަތުން މަދަދާއި ވާގިއެދުން ގިނަކުރާށެވެ! ތިބާގެ ހިތަކީ ﷲ ތަޢާލާގެ ޙަޟްރަތުން ލޯބިލިބިގެންވާ ހިތެއްކަމުގައި ވެއްޖެނަމަ އެންމެ ލޯބިވާ މީހުންނަށްވެސް އަދި އެންމެ ގާތް އެކުވެރިންނަށްވެސް ދެވޭނެ އެއްވެސް ދެރައެއް ނުއޮންނާނެއެވެ!
ވީމާ ހުރިހާ ސަމާލުކަމެއް ﷲ ތަޢާލާއަށް ދޭށެވެ! ތިމާ މާޔޫސްވާންޖެހޭނެ ކަންކަމުންނާއި އަދި ހިތްދަތިވާންޖެހޭނެ ކަންކަމުން ސަލާމަތްކުރައްވަވައިދެއްވަވާނެތެވެ! އިން ޝާ ﷲ
- އިސްލާމީ ތިލަފަތުގެ ދަރުސަކުން
