މާވެޔޮ މިސްކިތް (މިހާރު މަސްޖިދު ޢަލީ ޙުސައިން) އާއި ވިޔަފާރިވެރިންގެ މިސްކިތް (މަސްޖިދް މުޙައްދު ބިން ޢަބްދުﷲ) ގައި ދަރުސްތައް ފަށަން ހަމަޖެހިއްޖެއެވެ.
ވިޔަފާރިވެރިންގެ މިސްކިތުގައި ދަރުސް ކުރިއަށް ގެންދާނީ ކުރިއާއި އެއްގޮތަށް ހުކުރު ދުވަހުގެ ޢަޞްރުނަމާދަށްފަހުގައެވެ.
މާވެޔޮ މިސްކިތުގައި ހުކުރު ދުވަހުގެ ރޭގެ ޢިޝާނަމާދަށްފަހުގައާއި އަންގާރަދުވަހުގެ ރޭގެ ޢިޝާނަމާދަށްފަހު ދަރުސްތައް ކުރިއަށް ގެންދާނެއެވެ. އެގޮތުން އަންގާރަދުވަހުގެ ރޭ ކުރިއަށް ގެންދާނީ ޝައިޚް ޢަލީ ޒައިދު ކުރިއަށް ގެންދަވާ "ނަބީބޭކަލުންގެ ވާހަކަ" އެވެ.
މިދަރުސްތައް ކުރިއަށްގެންދަން ހަމަޖެހިފައިވަނީ ޖަމިއްޔަތުލްއިސްލާމް، އަލްކައުން ޓީވީ އަދި މިއަދުނޫސްގުޅިގެންނެވެ. ޖަމިއްޔަތުލްއިސްލާމް، އަލްކައުން ޓީވީ އަދި މިއަދުނޫސްގުޅިގެން ވިޔަފާރިވެރިންގެ މިސްކިތުގައި އަންނަނީ 2013 ވަނަ އަހަރުން ފެށިގެން ދަރުސްދެމުންނެވެ.
