"ދިރޭތަކެތީގެތެރެއިން އެއްޗެއްގެ ރިޒްޤް ލިބިގަތުމަށް ކުޅަދާނަވެގެންނުވާ ކިތައްކިތައް އެތި ވޭހެއްޔެވެ؟ އެތަކެއްޗަށާއި ތިއަބައިމީހުންނަށް ރިޒްޤް ދެއްވަވަނީ ﷲ އެވެ. އެކަލާނގެއީ މޮޅަށް އައްސަވައިވޮޑިގެންވާ، މޮޅަށް ދެނެވޮޑިގެންވާ ރަސްކަލާނގެއެވެ!" (އަލްޢަންކަބޫތު: 60)
މާދަމާ ﷲ ތައާލާ ދެއްވަވާނެ ރިޒުޤާއިމެދު ކަންބޮޑުވަނީ ކީއްވެގެންހެއްޔެވެ؟ އެތައް ބިލިއަން މަޚްލޫޤުން ކޮންމެ ދުވަހަކު ރިޒުޤް ލިބިގަންނަމުންދަނީ ވޮލެޓެއް، ޖީބެއް އަދި ބޭންކް އެކައުންޓެއްވެސް ނެތިއެވެ!: ޝައިޚް ޢާޞިމް އަލްޙަކީމް
އަހަރެމެންގެ ތެރއިން ގިނަބައަކަށް ޖަމާޢަތުގައި ނުކުރެވުން ފަދަ ކަންކަން މެދުވެރިވަނީ މިއަދަށް ބޭނުންވާ ރިޒްޤް އަތުގައި ނެތުމަކުން ނޫނެވެ. މާދަމާ އިތުރު ރިޒްޤަށް ބޭނުންވާތީއެވެ! ޖީބުތައް އިތުރަށް ފުރަން ބޭނުންވާތީއެވެ. މާދަމާ އިތުރަށް ރިޒްޤް ބޭނުންވާ މީހާ މިއަދުކުރަންޖެހޭ އަޅުކަން ފުރިހަމަކުރާށެވެ! މާދަމާގެ ރިޒްޤް ﷲ ތަޢާލާއަށް ވަކީލްކުރާށެވެ!
ޝައިޚް ފާހަގަކުރައްވަވާފައި އެވަނީ ވޮލެޓެއް، ޖީބެއް އަދި ބޭންކް އެކައުންޓެއް ނެތްނަމަވެސް ރިޒްޤް ހޯދަން މަސައްކަތްކުރުމުން ﷲ ތަޢާލާ ރިޒްޤް ދެއްވަވާނެ ކަމެވެ. ދިރޭތަކެތި ކޮންމެ ދުވަހަކުވެސް ރިޒްޤް ލިބިގަނެއެވެ. ފަހަށް ރައްކައުކުރުމެއް އަދި ޖަމާކުރުމެއް ނެތިއެވެ.
