"ރަސޫލާއަށް ކިޔަމަންވާ މީހާ، ފަހެ ހަމަކަށަވަރުން ﷲ އަށް ކިޔަމަންވެއްޖެއެވެ. އަދި، ފުރަގަސްދީފި މީހާ (ދަންނާށެވެ!) ފަހެ އެއުރެންގެ ކަންތައްތައް ބަލަހައްޓަވަން ހުންނެވި ބޭކަލަކުކަމުގައި ތިމަންރަސްކަލާނގެ ކަލޭގެފާނު ނުފޮނުއްވަވަމެވެ." (އައްނިސާ: 80)
މިއާޔަތުން އެނގިގެންދަނީ ރަސޫލް އަށް ނުކިޔަމަންތެރިވެއްޖެ މީހާ ﷲ ތަޢާލާއަށް ނުކިޔަމަންތެރިވެއްޖެކަމެވެ. އެމީހާ އެވަނީ ﷲ ތައާލާ އާއި ދެކޮޅަށް ހަނގުރާމަ އިއުލާނުކޮށްފައިކަމެވެ.
"---އެކަލޭގެފާނު އެއުރެންނަށް ހެޔޮކަންތަކަށް އަމުރުކުރައްވަވަތެވެ. އަދި ނުބައި ކަންތައްތައް އެއުރެންނަށް ނަހީކުރައްވަވަތެވެ. އަދި ރަނގަޅުތަކެތި އެއުރެންނަށް ޙަލާލް ކުރައްވަވަތެވެ. އަދި ނުބައިވެގްންވާ ތަކެތި އެއުރެންނަށް ޙަރާމް ކުރައްވަވަތެވެ..." (އަލްއައްރާފް: 157)
'..އަދި ރަސޫލާ ތިއަބައިމީހުންނަށް ގެނެސް ދެއްވެވި ކޮންމެ އެއްޗެއްގައި ތިއަބައިމީހުން ހިފާށެވެ! އަދި އެކަލޭގެފާނު ތިއަބައިމީހުންނަށް ނަހީކުރެއްވެވި ކޮންމެ ކަމަކުން ފަހެ، ތިއަބައިމީހުން ދުރުވެގަންނާށެވެ!..: (އަލް ޙަޝްރު: 7)
މިޔުޒިކަކީ ޙަރާމް އެއްޗެއްކަން ޢިލްމުވެރިން ބަޔާންކުރައްވަވަނީ އެބޭކަލުން އަމިއްލަފުޅަކަށް ނޫނެވެ. ރަސޫލް ﷺ އެކަން ޙަރާމްކުރައްވަވާފައިވާތީއެވެ! ވީމާ މިޔުޒިކަކީ ހުއްދަ އެއްޗެއް ނޫންކަމަށް ޢިލްމުވެރިންނަށް ބަޔާން ނުކުރެއްވޭނެކަމަށް ބުނުމަކީ ރަސޫލް ﷺ ގެ ޙަދީޘް ޤަބޫލުނުކުރާކަން ފައުޅުގައި އިއުލާނުކުރުމެވެ.
ވެޓިކަންގެ ރާއްޖޭގެ އެންމެ އިސް އެޖެންޓް އެލެކްސް ބުނެފައިވަނީ ޢިލްމްވެރިންގެ އަޑުއަހާނެ ބައަކު ރާއްޖޭގައި މިހާރު ނެތް ކަމަށެވެ. މިއީ ވެރިކަން ލިބުމުން 2008 ގައިވެސް ހަމަ ބުނި ބަހެވެ. ނަމަވެސް ވެރިކަން ހޯދަން ބޭނުންވުމުން ދީން ޙިމާޔަތްކުރާނެކަމަށް ޢިލްމުވެރިންނަށް ވައުދުތައްވެ ޢިލްމުވެރިންގެ އެހީތެރިކަން ކޮންމެ ފަހަރަކުވެސް ހޯދައެވެ.
މުސްލިމުންނަށް އުފާވެރިކަން ލިބެނީ މި ވަހީ ބަސްފުޅުންނެވެ. " އަދި، ފުރަގަސްދީފި މީހާ (ދަންނާށެވެ!) ފަހެ އެއުރެންގެ ކަންތައްތައް ބަލަހައްޓަވަން ހުންނެވި ބޭކަލަކުކަމުގައި ތިމަންރަސްކަލާނގެ ކަލޭގެފާނު ނުފޮނުއްވަވަމެވެ."
އެނގިގެން މިދަނީ ރަސޫލް ﷺ އަށް ފުރަގަސްދީފި މީހާ ނުވަތަ އެބައެއްގެ ކަންކަން ބެލެހެއްޓެވުން ވަނީ ﷲ ތަޢާލާއަށް ކަމެވެ. ރަސޫލް ﷺ އަށް ފުރަގަސްދިނުމަކީ ﷲ ތަޢާލާއަށް ފުރަގަސްދިނުމެވެ. ފުރަގަސްދޭ މީހުންނާއިމެދު ﷲ ތަޢާލާ ޣާފިލުވެވޮޑިނުގަންނަވާނެ ކަމާއި ވަގުތު ޖެހުމުން ހިއްޕަވާނެކަން އަބަދުވެސް މުޅި ދުނިޔެވެސް މިދަނީ ތަޖުރިބާކުރަމުންނެވެ. ރާއްޖެއިންވެސް ދަނީ އެކަމުގެ ހެކިތައް ފެންނަމުންނެވެ.
ގުޅުންހުރި މިލިޔުން ވިދާޅުވުން މުހިންމު:
