ވެޓިކަންކެ ބޮޑު އެޖެންޓާ އޭނާގެ އައުވާނުންކަމުގައިވާ "އިސްލާމް ދީނާ ނުލާ" އުޅޭ މީހުންގެ ބަސް ކޮންމެ ގޮތަކަށް ހުރިނަމަވެސް މިޔުޒިކާމެދު މުސްލިމުންގެ ބޮޑެތި އިމާމުންގެ ބަސްފުޅުތައް މިހިރީއެވެ.
މުއުމިނުންގެ ޚަލީފާ އަބޫބަކުރު ރަޟިޔަﷲ ޢަންހު ވިދާޅުވެފައިވެއެވެ.
"ލަވަޔާއި މިޔުޒިކަކީ ޝައިޠާނާގެ އަޑެވެ."
އިބްން މަސްޢޫދު ރަޟިޔަﷲ ޢަންހު ވިދާޅުވެފައިވެއެވެ.
"ފެނުގެ ސަބަބުން ވިނަ ހެދޭ ފަދައިން ލަވައިގެ ސަބަބުން ހިތުގައި ނިފާޤްކަން އުފެދެއެވެ. އަދި ލަވަޔާއި މިޔުޒިކު ހަރާމް ވުމުގެ އެންމެ ބޮޑު އެއް ޙިކުމަތަކީ ﷲ ތަޢާލާގެމަތިން ޣާފިލު ވުމެވެ."
(އިބްން މަސްއޫދަކީ ރަސޫލް ގެ ޞަޙާބީންގެ ތެރެއިން އަރައިހުންނެވި ޞަހާބީބޭކަލެކެވެ!)
އިމާމް އަބޫ ޙަނީފާ ރަޙިމަހުﷲ ވިދާޅުވިއެވެ.
"މިއުޒިކް އަޑުއަހާ މީހާގެ ހެކިބަސް ބަލައިނުގަނެވޭނެއެވެ."
ޝައިޚް ބިން ބާޒް ރަޙިމަހުﷲ ވިދާޅުވިއެވެ.
"ލަވަ އަޑުއެހުމަކީ ޙަރާމްވެގެންވާ މުންކަރާތެކެވެ. އަދި އެއީ ހިތުގެ ބަލިމަޑުކަން އިތުރުވެ، ހިތް ހަރުވެ، ﷲ ތަޢާލާގެ މަތިން ހަނދުމަ ނެތިކޮށްލާ ކަމެކެވެ."
އިމާމް މާލިކް ރަޙިމަހުﷲ ވިދާޅުވިއެވެ.
"ތިމަންނަމެންގެ ތެރެއިން އެކަން ކުރަނީ (މިއުޒިކް އަޑު އަހާނީ) ފާސިޤުންނެވެ."
ޢުމަރުބިން ޢަބްދުލް ޢަޒީޒު ވިދާޅުވެފައިވެއެވެ. "ލަވަޔާ މިޔުޒިކުގެ ފެށުން ވަނީ ޝައިޠާނާގެ ގާތުންނެވެ. އޭގެ ނިމުންވަނީ އައްރަޙްމާނުގެ (ﷲ) ކޯފާއިންނެވެ."
އިމާމް ޝާފިޢީ ރަޙިމަހުﷲ ވިދާޅުވިއެވެ.
"ހަމަކަށަވަރުން ލަވަޔަކީ މަކްރޫޙަވެގެންވާ ބޭކާރު ވާހަކައެވެ. އަދި އެ އެއްގޮތްވެގެން ވަނީ ބާޠިލާއެވެ. އެކަން ގިނަކޮށްފިމީހާ އަކީ މޮޔައެކެވެ. އަދި އޭނާގެ ހެކިބަސް ޤަބޫލުނުކުރެވި ރައްދުކުރެވޭ ހުއްޓެވެ. "
އިމާމް އަބޫ ޙަނީފާ ރަޙިމަހުﷲ ވިދާޅުވިއެވެ.
"މިއުޒިކް އަޑު އެހުމަކީ ފާސިޤުކަމެކެވެ. އެއިން ލައްޒަތު ލިބިގަތުމަކީ ކުފުރެކެވެ."
ޝައިޚުލް އިސްލާމް އިބްނު ތައިމިޔާ ރަޙިމަހުﷲ ވިދާޅުވެފައިވެއެވެ. ހަތަރު މަޒުހަބުގެ (ޙަނަފީ، މާލިކީ، ޝާފިޢީ، ޙަންބަލީ ) ޢިލްމުވެރިންގެ އަރިހުގައި ހުރިހާ މިޔުޒިކު ސާމާނަކީ ވެސް ޙަރާމް އެއްޗެކެވެ."
މިޔުޒިކްގެ ޙުކުމް މިހައި ސާފުކޮށް އެނގެން އޮތްއިރު މިބޭބޭކަލުންގެ ބަސްފުޅުތަކަށް ފާޑުކިޔަން އަލެކްސް އާއި އޭނާގެ އަުވާނުންނަކީ ކޮންބައެއް ހެއްޔެވެ؟ މިއީ އެންމެން އެކުގައި އަތްތައް އުފުލައި "އިސްލާމް ދީނާ ނުލައި" ރާއްޖޭގެ ކަންކަން ނިންމައި ދިވެހިންގެ ދީނީ އެއްބައިވަންތަކަން ނަގާލަން މަސައްކަތްކުރާ ބައިގަނޑުގެ ކިބައިން ރާއްޖެ ސަލާމަތްކުރައްވަވައި ދެއްވެވުން ދުޢާކުރަންވީ ވަގުތެވެ! މިސްކިތްތަކުގައި ކިޔާ ޤުނޫތަށް އަތް އުފުލައިގެން ތިބެވެސް އެކަމަށް އެދި ދުޢާކުރައްވާށެވެ! މާތް ﷲ އެކަން ހިންމަވައިދެއްވަވާނެތެވެ! އިން ޝާ ﷲ
