ޙުރުމަތްތެރިވެގެންވާ 3 މަހުގެ ތެރެއިން ޛުލްޙައްޖާ މަސް ނިމެނީއެވެ. ރަޖަބްމަސް ފެށެނީއެވެ. ޝަޢްބާންމަހަށްފަހު ފެށިގެންދާނީ ރަމަޟާންމަހެވެ. ފާފަފުއްސެވުމާއި ރަޙްމަތް ލެއްވެވުމާއި ނަރަކައިން ދިންނެވުމުގެ މައްސަރެވެ. ވީހައި ގިނައިން ދުވާލާއި ރޭގަނޑު އަޅުކަންކުރަން އޮތް މައްސަރެވެ.
ރަމަޟާން މަހަށް ތައްޔާރުވުމުގެ ގޮތުން އެއްވެސް ކަމެއްކޮށްފިން ހެއްޔެވެ؟ ހިތް ޠޯހިރުކުރަން ކުރީ ކޮންކަމެއް ހެއްޔެވެ؟ ފާއިތުވި ރަމަޟާންމަހަށްފަހު ތިމާގެ ހިތަށް އައިސްފައިވާ ނޭދެވޭ ބަދަލުތައް އިޞްލާޙްކުރަން މަސައްކަތް ފަށައިފިން ހެއްޔެވެ؟
މީސްތަކުންނޭވެ! ހިތް ޠޯހިރުކުރުމަށް ޣާފިލުވެގެން ތިއްބައި ރަމަޟާން މަސް އައިސް ބައްދަލުކޮށްފިނަމަ އެމީހަކަށް މިއަހަރުގެ ރަމަޟާންމަހުން ހޯދެންޖެހޭ ނިޢްމަތްތައް ލިބިގަންނަން ފަސޭހައެއް ނުވާނެއެވެ.
ފާއިތުވަމުން މިދާ ދުވަސްތަކުގައި އެންމެ ބޮޑަށް ސަމާލުކަންދޭންޖެހޭ އެއްކަމަކީ ތިމާގެ ހިތް ޠޯހިރުކުރަން މަސައްކަތް ކުރރުމާއިއެކު މިބަޔާންކުރި ކަންކަން ވީހައި ގިނަބައަކަށް ހަނދާންކޮށްދިނުމެވެ. ތިބާގެ ސަބަބުން އެންމެ މީހަކަށް ހެޔޮކަމެއް ލިބިގެންދިއަ ނަމަވެސް އެކަމުގެ ޖަޒާ ތިބާއަށް ދެއްވަވާނެތެވެ!
ހިތްޠޯހިރުކުރެވޭނީ ވީހައި ގިނަ ހެޔޮ ޢަމަލުކޮށްގެންނެވެ. ﷲ ތަޢާލާމަތިން ހަނދުމަކޮށްގެންނެވެ. ފާފަކުރުންތައް ދޫކޮށްލައި ދުރުހެލިވެގެންނެވެ. ވީމާ މިކަންކަމަށް ސަމާލުކަން އިތުރުކުރާށެވެ! ސާފު، ޠޯހިރު ހިތަކާއިގެން ރަމަޟާންމަހާއި ބައްދަލުކުރަން ގަދައަޅައި މަސައްކަތްކުރަމުން ގެންދާށެވެ!
- މުފްތީ މެންކުގެ ދަރުސަކުން
