އަަހަރެންގެ އުމުރުން މިހާރު މިވަނީ 60 އަހަރަށްވުރެ މަތިވެފައެވެ. އަހަރެންނަށް ލިބިފައި ނުވާ ނިޢްމަތެއް ނެތެވެ. 3 އަނބިން އެބަތިއްބެވެ. 11 ދަރިން އެބަތިއްބެވެ. ދިރިއުޅުމަކީ ތަނަވަސް ދިރިއުޅުމެކެވެ. މިބުނަނީ މިލިއަނުން އަތުގައި ފައިސާ ނެތްނަމަވެސް އުފަލުގައި ދިރިއުޅެވޭވަރަށް ތަނަވސްކަން ލިބިފައިވާ ވާހަކައެވެ.
ނަމަމަވެސް އަހަރެންނަށް ވަރަށް ބޮޑު ހހިތާމައެއް ވަނީ ކުރިމަތިވެފައެވެ. އެކަން ހަނދާންކުރިވަރަކަށް ކުރާ އަސަރު ބޮޑުވެއެވެ. އެކަނި ހުއްޓައި ހަނދާންވުމުން މިހާރުވެސް ރޮވެއެވެ. މިފަދަ އެހެން އެއްވެސް މީހަކު ކުރަން ނުއެދޭތީ އަހަރެންގެ ހިތާމައިގެ ވާހަކަ މުޅި ދުނިޔެއާއި ހިއްޞާކޮށްލަން ބޭނުންވެއެވެ.
އަހަރެންގެ މަންމަ އާއި ބައްޕަ އަހަރެން ގެންގުޅެ ބޮޑުކުރީ ވަރަށް ލޯބިންނެވެ. ކިޔަވައިވެސް ދިނެވެ. ޔުނިވަރސިޓީއަށްވެސް ފޮނުވިއެވެ. ނަމަވެސް އަހަރެންނަށް ޚިޔާރުކުރެވުނީ އެންމެ ނުބައި މަގެވެ. މައިންބަފައިންގެ ބަސް ޤަބޫލުކުރުމުގެ ބަދަލުގައި އަހަރެންނަށް ވެވުނީ ބައެއް އެކުވެރިންގެ ބަސް ޤަބޫލުކޮށް އެމީހުންނާއިއެކު އެމީހުން އުޅޭ ގޮތަށް އުޅޭ މީހަކަށެވެ.
އަަހރެންމެ ބައްޕަ ނިޔާނީ އަހަރެންގެ އުމުރުން 26 އަހަރުގައެވެ. ނިޔާވީ ކުއްލި ގޮތަކަށެވެ. ނިޔާވީ އެކުވެރިންނާއިއެކު މަސްތުވާތަކެތި ބޭނުންކޮށްގެން ގެއަށް އައިތަނާއެވެ. އެއިގެ އަހަރެއްހައި ދުވަސްފަހުން މަންމަވެސް ނިޔާވީ ހަމައެފަދަ ގޮތަކަށެވެ. މަންމަ ނިޔާވިއިރުވެސް އަހަރެންނަށް ހުރެވުނީ ހަމަ ަމސްތުވާތަކެތި ބޭނުންކޮށްގެންނެވެ.
މަންމައާއި ބައްޕަގެ ޖަނާޒާގައިވެސް ބައިވެރިވީމެވެ. ކަށުނަމާދުގައިވެސް ބައިވެރިވީމެވެ. ވަޅުލުމަށްފަހު ދުޢާއަށް އަތްވެސް އުފުލީމެވެ.
މަންމަގެ ޖަނާޒާގެ ކަންކަން ނިމިގެން ގެއަށް އައިސް ވަރަށް ދެރަވެފައި އިންދާ ދޮށީ ބޭބެ އަަހރެން ސިއްސުވައިލިއެވެ. ޣާފިލުކަމުން އަހަރެން ހޭލައްވައިލީ ބޮޑުބޭބެއެވެ.
"ދަރިފުޅާއެވެ! މަންމަ އާއި ބައްޕަގެ ޖަނާޒާގައިވެސް ދަރިފުޅު ބައިވެރިވީމުއެވެ. ނަމަވެސް އެކަމުން ކުރާނީ ކޮން ފައިދާއެއް ހެއްޔެވެ؟ ދަރިފުޅު ހުރީ މަސްތުގެ ޙާލަތުގައިކަން ބޮޑުބޭބެއަށް އެނގެއެވެ. ބައްޕަ ނިޔާވި ދުވަހުވެސް ހަމަ މިނަޞޭޙަތް ދިނީމެވެ. ނަމަވެސް ދަރިފުޅުގެ ކަންފަތަށް އަޑުއުިވުނު ކަމަކަށް ނުވިއެވެ. ތިއަކުރާ ފާފައެއް ހަމަ ތިއަކުރަނީއެވެ.
ދަރިފުޅާއެވެ! މަސްތުގެ ޙާލުގައި ހުރެ ކުރާ ނަމާދު ޤަބޫލުފުޅެއް ނުކުރައްވަވާނެއެވެ! ހަމަހޭގައި ނެތި ﷲ ތަޢާލާއަށް ދުޢާކުރާނީ ކިހިނަކުން ހެއްޔެވެ؟ ދެން އެންމެ ރަނގަޅެވެ. ތިއަ ދަރިފުޅުގެ ބައިވެރިވުން ނެތް ނަމަވެސް މަންމަ އާއި ބައްޕަގެ ޖަނާޒާ އެހެން މީހުން ފުރިހަމަކޮށްފިއެވެ. އަދި ތިއަ ދަރިފުޅު މަސްތުވެފައި ހުރުމަކުން އެދެމަފިރިންގެ ފުރާނައަށް ލިބޭނެ އެއްވެސް ގެއްލުމެއް ނުއޮންނާނެއެވެ! އެމީޙުންކުރި ހެޔޮ ހެޔޮ އަމަލުތަކުގެ ޖަޒާ އެމީހުންނަށް ދެއްވަވާނެތެވެ! އިން ޝާ ﷲ. ދަރިފުޅު ތިއަ ނުބައި އަމަލެއް ތިއަކުރަނީ މައިންބަފައިން މަސްއޫލިއްޔަތު އަދާނުކޮށްގެނެއް ނޫނެވެ! ދަރިފުޅު ކުރަން ބޭނުންވެގެންނެވެ! އެމީހުންނާއި ދެކޮޅަށެވެ. ވީމާ ފާފަވެރިވާނީ ދަރިފުޅެވެ!
ދަރިފުޅާއެވެ! ދެން އޮތީ މާބިރުވެރި ދުވަހެކެވެ. އެންމެ ބިރުވެރި ދުވަހެވެ.! އެއިރު ބޮޑުބޭބެވެސް ދުނިޔޭގައި ހުންނާނެކަމެއް ނުއެނގެއެވެ. އެއީ ދަރިފުޅުވެސް މަރުވާނެ ދުވަހެވެ! މަރުހިއްޕަވަން މަލާއިކަތުން ވަޑައިގަންނަވާނެ ދުވަހެއް ވަގުތެއް ނުއެނގޭނެއެވެ. މިހާރުވެސް ވަޑައިގެންފާނެއެވެ! އެއިރުވެސް ދަރިފުޅަށް ހުރެވުނީ ތިއަވާގޮތަށް "ނައިސްވެގްން" ކަމަށްވެއްޖެ ނަމަ ކުރިމަތިވާނީ "ނައިސް" ކަންތައްތަކެއް ނޫނެވެ! ކުރިމަތިލާން ޖެހޭނީ ކައްވަޅުގެ ޢަޛާބާއި ނަރަކައިގެ ޢަޛާބަށެވެ! އެއީ "ނައިސް" ކަމަކަށް ނުވާނެއެވެ."
ބޮޑުބޭބެ އެވާހަކަތައް ދެއްކިއިރު މާބޮޑު އަސަރެއް ނުކުރެއެވެ. ނަމަވެސް "ނައިސްކަން" ފިލައި ހަމަޖެހުމުން ވަރަށް އަސަރުކުރިއެވެ. އަދި ވީދެރައާއި ގަތްބިރުން އެއިގެ ފަހަކުން އެފަދަ ފާފައެއްވެސް ނުކުރަމެވެ. ހުރިހާ ޢަމަލުތަކެއް އިޞްލާޙްކުރީމެވެ. ޒަވާޖީ ޙަޔާތެއް ފަށައި ރަނގަޅު ގޮތުގައި ދިރިއުޅެން ފެށީމެވެ.
އަހަރެން އެއިރު ބޭނުންކުރިފަދައިން މިހާރު މަސްތުވާތަކެތި ބޭނުންކުރާ އެންމެންނަށްވެސް އަހަރެންގެ ނަޞޭހަތަކީ އަހަރެންނަށް ކުރިމަތިވިފަދަ ހިތާމަވެރި ޙާލަތެއް ކުރިމަތިވުމުގެ ކުރިން އަވަހަށް ތައުބާވުމެވެ. "ނައިސްވުން" އަވަހަށް ހުއްޓައިލުމެވެ! އަހަރެންގެ ބޮޑުބޭބެ އަހަރެންނަށް ދިން ނަޞޭޙަތުން ޢިބްރަތް ޙާޞިލުކުރުމެވެ!
ކިޔުންތެރިންނޭވެ! އަހަރެން އިޞްލާޙްވުމަށްފަހު އަހަރެންގެ މަންމަ އާއި ބައްޕައަށް ޘަވާބު ދެއްވެވި އެދި ކުރި ކަންކަމުގެ ވާހަކަ ދައްކާކަށް ނެތީމެވެ. ދުވަހެއް ދުވަހަކަށް މިގެންދަނީ އެކަންކަން އިތުރުކުރަމުންނެވެ. ދުޢާކުރުން ގިނަކުރަމުންނެވެ. ނަމަވެސް ހިތަށް ހަމަޖެހުމެއް ނުލިބިގެން މިއުޅެނީ ޤިޔާމަތް ދުވަހު މޫނު ދިމާކުރެވޭނީ ކޮންފަދައަކުންކަން ނުއެނގޭތީއެވެ. އަހުރެންނަށް ކަންތައްތައް ﷲ ތަޢާލާ މެދުވެރިކުރައްވަވާނީ ކިހިނަކުންކަން ނުއެނގޭތީއެވެ.
ކިޔުންތެރިންނޭވެ! އަހުރެންގެ މިލިޔުން ކިޔައިފި ކޮންމެ މީހަކު އަހުރެންގެ ޙާލަތަށް ވިސްނާށެވެ! އަދި މިފަދަ ހިތާމައެއް ކުރިމަތިނުވުމަށް ގަދައަޅައި މަސައްކަތްކުރާށެވެ!
- ވަސީމް އިބްރާހީމް/ ފައިސަލްއާބާދު، ޕާކިސްތާން
