އެއީ އަހަރެންގެ އުމުރުން 28 ވަނައަހަރެވެ. ރަސްމީ ދަތުރެއްގައި ދާންޖެހުނު އުތުރު އޭސިއާގެ ޤައުމެކެވެ.
ކޮންމެއަކަސް އެއްދުވަހަކު ލިބުނު ހުސްވަގުތުގައި ބާޒާރުކުރަން ޝޮޕިންގ ކޮމްޕްލެކްސް އެއެްގައި އުޅެނިކޮށް ގައިޑުންތަކެއް ފަހަތުނަ ވިއްދި ގޮތަށް ސަލާމަތްނުވެވިގެން އެކުގައި އުޅުނު 6 އަކަ މީހުން ސްޓޯލަކަށް ދިިއައިމެވެ.
އެތަނުގައި ވަރަށް ރީތި ތަންމައްޗެއް ހަދާފައި ބޮޑު ބުދެއް ބާއްވާފައި އޮތެވެ. ދެން މިކުރާ ކަމަކީ އަތްބަލާފައި އަދި ރަމަލުވެސް ބަލާފައި މީހުން ކުރާ ސުވާލުތަކަށް ޖަވާބުދެނީއެވެ. ޖަވާބުދިނީމާ އަގުދޭންޖެހެނީއެވެ.
އެކުވެރިން އެމަޅީގައި ޖެހިއްޖެއެވެ. ސުވާލުތައް ކުރަން ފަށައިފިއެވެ. ނަމަވެސް ފައިސާ ދެއްކިއަކަ ނުދެމެވެ. އަހަރެން ބުނީ އެންމެ ފަހުން ސުވާލުކުރާނީ އަހަރެން ކަމަށާއި އެންމެންގެމަތިން ފައިސާ ދައްކާނީ އަހަރެން ކަމަށެވެ.
ކޮންމެއަކަސް އެންމެންނިމި އަހަރެންގެ ފުރުޞަތު ޖެހިއްޖެއެވެ. އެއިރު އެތަނުގެ ފިހާރަތަކުން އަހަރެން ގަނެފައި އޮތް 3 ގަމީސް ނަގާފައި ޖަވާބުދޭ މީހާއަށް ދެއްކީމެވެ. އަދި އަހަރެން ބުނީމެވެ. "ކޮންމެހެން އަހަރެން ގާތު ބުނާނެ ކަމެއް ނެތެވެ. އަހަރެން މިދަނީ ފާޚާނާއަށެވެ. އެނބުރި އަންނާނީ މި 3 ގަމީހުންކުރެ ގަމީހެއް ލައިގެންނެވެ. އަހަރެން ދިއުމަށްފަހު އަހަރެން އެނބުރި ލައިގެން އަންނަނީ ކޮންކުލައެއްގެ ގަމީހެއްކަން ކަރުދާސްކޮޅެއްގައިލިޔެލާފައި އަަހަރެންގެ މިހިރަ ރަޙްމަތްތެރިޔާއަތަށް ދީފައި ބާއްވާށެވެ! ދިމާވެއްޖެނަމަ އެންމެންގެމަތިން ކަލޭ ކުރިން ބުނި އަގުގެ ދެގުނަ ދޭނަމެވެ. ދިމާނުވެއްޖެނަމަ އަހަރެމެން އަތުން އަތުލަން ކަލޭ ރާވާފައި އޮތް އަދަދު ، (މީހަކަށް 100 ޑޮލަރު) ކަލޭ އަހަރެމެންނަށް ދޭންވާނެއެވެ.
ހީވީ އޭނާގެ ބޮލަށް ބޮމެއްް އެޅިހެންނެވެ. ކޫނކޫން ކޫން ކިޔަންފެށިއެވެ. ކިޔާ ނުކިޔާ އެއްޗެއް ނުއެނގުނެވެ. ދެން އަހަރެމެން 500 ޑޮލަރުދޭށޭ ކިޔަންފޭށީމާ ބުނީ އަޑުގަދަނުކޮށް އެތަނުން ދިއުމަށެވެ.
"އޯކޭ! ހަމަސެލިޔުޓް! އެމީހުން ޖިންނިވެސް ގެންގުޅޭ! ހަމައަހަރެން ފާޚާނާގަ ހުރެގެން ލާ ގަމީހުގެ ކުލަ އައިސް އެމީހާގާތު ބުނެދެވިދާނެ ނޫންތަ! ކިޔުންތެރިންނޭވެ! އެކަން އޭނާއަށް ނުކުރެވުނީ! އޭނާ އާ އެކުގައި ގެންގުޅޭ ޖިންނިތައް ފޭލްވީ! ފަތިސްނަމާދާއިއެކު އަހަރެން އަޅައިގެން ހުންނަ އައްޑަނަ ފޫއަޅުވައި ނުލެވުނީ! އެ ޖިންނިތަކަށް އަހަރެން ނުވެސް ފެނުނީ! ކިޔަވާ ޛިކުރުތަކުގެ ފައިދާ ކުރީ!"
އެކަން އެނގުނީވެސް ހަމަ އޭނާގެ ވާހަކައިންނެވެ. "ބަލަ! ކަލޭ ގެންގުޅޭ ޖިންނިތައް ފޮނުވައިގެން އަހަރެންލާ ގަމީހުގެ ކުލަ ބަަލަންވީނޫންހޭ؟" ބުނީމާ އޭނާއަށް ބުނެވުނީ "ސޮރީ! ދޭ ފޭއިލްޑް! (އެޖިންނިތައް ފޭލްވެއްޖެ!) ކަމަށެވެ.
މީސްތަކުންނޭވެ! މިއީ އަހަރެންނަށް އެކަނި ޚާއްޞަ ކުރެވިފައިވާ އައްޑަނައެއް ނޫނެވެ. ހަމަ ކޮންމެ މުސްލިމަކަށްވެސް ހަމަ މުޅިން "ފްރީ"ކޮށް ލިބެން ހުރި އައްޑަނަތަކެވެ. ހަމައެކަނިކުރަންޖެހޭ ކަމަކީ ނަގައި ހަށިގަނޑުގައި އަޅައިލުމެވެ! (ފަތިސް ނަމާދުކޮށް ޛިކުރުތައްކިޔުމެވެ.)
- އިސްލާމީ ތިލަފަތުގެ ދަރުސަކުން
