ކޮންމެ އިންސާނަކީވެސް ފާފަކުރެވޭނެ މީހެކެވެ. އެއީ އެއްވެސް ޝައްކެއް އޮތް ކަމެއް ނޫނެވެ. އަހަރެމެންނަށް އޮތީ ފާފަ ނުކުރަން ގަދައަޅައި މަސައްކަތްކުރުމެވެ. އެގޮތުން ކުރެވިދާނެ ބައެއް ކަންކަން ފާހަގަކޮށްލާނަމެވެ!
އެއްކަމަކީ ކޮންމެ ދުވަހަކުވެސް އެމީހަކަށް އެދުވަހަކު ކުރެވުނު ފާފަތައް ނޯޓުކޮށްލުމެވެ.
އެއަށްފަހު ރަނގަޅަށް ދިރާސާކުރާށެވެ! ކުރެވެނީ އެއްޒާތެއްގެ ފާފަތަކެއް ނަމަ ކަންކަމަށް ބަދަލުގެންނަން ޖެހޭނެއެވެ. ވަގުތު ހޭދަކުރެވޭ މާހައުލާއި އެކުގައި އުޅެވޭ މީހުން ބަދަލުކުރަންވެސް ޖެހިދާނެއެވެ. އެހެންކަމަށްވާނަމަ އެކަންްކަން ކުރާށެވެ!
ދެވަނައަށް ކުރަން އޮތް ކަމަކީ ފާފައެއް ކުރެވޭއިރަށް ތައުބާވެ ހެޔޮ ޢަމަލެއް ކުރުމެވެ. އެއީ ފާފަ ފުއްސަވައި ދެއްވެވުމަށް އޮތް މަގެވެ. ކިތަންމެ ގިނައިން ފާފަކުރެވުނު ނަމަވެސް މާޔޫސްނުވެ މިބުނިމަގުން ޢަމަލުކުރާށެވެ! އެއިރުން އެމީހަކަށް ﷲ ތަޢާލާގެ ޙަޟްރަތުން ފާފަ ފުއްސެވުމާއި ރުހިވޮޑިގަތުން ދާނީ ލިބެމުންނެވެ. އިން ޝާ ﷲ
މުސްލިމުންގެތެރޭގައި މިތިބެނީ ދެބައިވަތެއްގެ މުސްލިމުންނެވެ. އެއީ ރަނގަޅު މުސްލިމުންނާއި ނުބައި މުސްލިމުންނެވެ. ރަނގަޅު މުސްލިމުންނަކީ ﷲާފައެއް ކުރެވުމުން ބިރުވެތިވެ ތައުބާވުމަށް އަވަސްވާ މީހުންނެވެ. ނުބައި މުސްލިމުންނަކީ ފާފައެއް ކުރެވުނު ނަމަވެސް ކަންބޮޑުނުވެ، ﷲ ތަޢާލާއަށް ބިރުވެތިވެސް ނުވާ އަދި ތައުބާވެސް ނުވެ ތިބޭ މީހުންނެވެ! ވީމާ މަސައްކަތްކުރަންވީ ރަނގަޅު މުސްލިމަކުކަމުގައިވުމަށެވެ.
- އިސްލާމީ ތިލަފަތުގެ ދަރުސަކުން
