ކިނބިހިއަޅާފައި އޭނާ ޙަމްދުކުރުމުން، އޭނައަށް ރަޙްމަތްލެއްވުން އެދި ދުޢާކޮށްދިނުމަކީ އަނެއް މުސްލިމްކަށްޓަކައި އަދާކުރަންޖެހޭ 4 ވަނަ ޙައްޤެވެ. އޭނާއަށް ރަޙްމަތް އިތުރުކޮށް ދެއްވުން އެދުމަށްޓަކައެވެ.
ނަމަވެސް އެކަމަށް އޮތް ޙަދީޘްފުޅަށް ޢަމަލުކުރުން އެއީ ނެތެމުންދާ ސުންނަތްތަކުގެތެރެއިން ސުންނަތަކަށް މިވަނީ ވެފައެވެ.
ޙަދީޘްފުޅުގައި އޮތީ ކިނބިހި އެޅުމުން الْحَمْدُ لِلَّهِ ކިޔުމަށާއި އެފަދައިން ދުޢާކޮށްފިނަމަ އަޑުއަހަންތިބޭ މީހުން يَرْحَمُكَ اللَّهُ ކިޔައި އޭނާއަށް ރަޙްމަތް ލެއްވެވުން އެދި ދުޢާކުރުމަށެވެ.
عَنْ أَبِي هُرَيْرَةَ ، رَضِيَ اللَّهُ عَنْهُ ، عَنِ النَّبِيِّ صلى الله عليه وسلم قَالَ : إِذَا عَطَسَ أَحَدُكُمْ فَلْيَقُلِ
الْحَمْدُ لِلَّهِ
وَلْيَقُلْ لَهُ أَخُوهُ ، أَوْ صَاحِبُهُ
يَرْحَمُكَ اللَّهُ
- އިސްލާމީ ތިލަފަތުގެ ދަރުސަކުން
