އަހަރެމެން ސަލާމަތްކަން ބޭނުންވާ ހުރިހާ ކަމަކުން ސަލާމަތްކަން ލިބޭނެ މަގު ﷲ ތަޢާލާ ވަނީ ދައްކަވައިފައެވެ. ސިހުރުންނެވެ. ޖިންނި ޝައިޠާނުންގެ ކިބައިންނެވެ. ރޭގަނޑުގެ އަނދިރިކަމުގެ ތެރެއިން ކުރިމަތިވެދާނެ ބިރުވެރި ކަންކަމުންނެވެ. އަދި ހަސަދަވެރިކަމާއި އެސްފީނާ އިންވެސް މެއެވެ. އަދި ތިބާއަށް ގެއްލުންދޭން މަސައްކަތްކުރާ މީހުންގެ ކިބައިންވެސްމެއެވެ.
އާޔަތުލްކުރުސި ޢާއި ކީރިތި ޤްރްއާނުގެ އެންމެ ފަހު 3 ސޫރަތް (އިޚްލާޞް، ފަލަޤް، ނާސް) ހެނދުނާއި ހަވީރު މަދުވެގެން 3 ފަހަރު ކިޔަވާށެވެ. ކޮންމެ ނަމާދެއްގެ ފަހުގައި ކިޔެވުމަކީ އިތުރު ބޯނަސްއެކެވެ. އެއިރުން ތިބާގެ ވަށައިގެން ދަގަނޑު ދަހަނާތައް ލެވި ތިބާ ހިމާޔަތް ކުރެވޭ މިސާލުގައި ﷲ ތަޢާލާ ތިބާ އަށް ރައްކައުތެރިކަމާއި ހިމާޔަތް ދެއްވަވާނެތެވެ. ތިބާ އާއިއެކުގައިވާ މަލާއިކަތުން ތިބާ ޙިމާޔަތްކުރައްވަވާނެތެވެ.
އަބަދުވެސް މިބުނާފަދައިން މިކަން ނުކުރާމީހާ އެ އަނިޔާތައް ލިބިގަންނަނީ އެމީހަކު އަމިއްލައަށެވެ. އެކަންކަން ނުކޮށްހުރެ އެހެން މީހަކު ކުށްވެރިކުރުމުގެ އެއްވެސް ބޭނުމެއް ނެތެވެ. ސަބަބަކީ މިއީ ހަމަ ކޮންމެ މީހަކަށްވެސް އެހައިމެ ފަސޭހައިން ކުރެވޭނެ ކަމަކަށްވާތީއެވެ.
މިކަމަށް ހޭދަވާނީ ގިނަވަގެން އެންމެ 5 މިނިޓާއި 10 މިނިޓާއި ދެމެދުގެ ވަގުތުކޮޅެކެވެ. ފަތިސްނަމާދަށްފަހުގަ ޢާއި މަޣްރިބް ނަމާދަށްފަހު އާޔަތުލްކުރުސި ޢާއި ކީރިތި ޤްރްއާނުގެ އެންމެ ފަހު 3 ސޫރަތް މަދުވެގެން 3 ފަހަރު ކިޔެވުން އާދަކުރާށެވެ!
އަދި ތިމާއަށް އެއްވެސް ބާވަތެއްގެ އުނދަގުލެއް ފޯރާކަމުގެ އިޙްޞާޞްކުރެވޭނަމަ ނުވަތަ އެފަދަ ކަމަކަށް ބިރު ހީވާނަމަ ކޮންމެ ނަމާދެއްގެ ފަހުގައިވެސް އެވަރުކޮށްލާށެވެ! (ކިޔަވައިލާށެވެ!) އެކަމަށް ހޭދަކުރަންޖެހޭ ވަގުތުކޮޅަށްވުރެ ލިބޭ ރައްކައުތެރިކަމާއި މާބޮޑުވާނެއެވެ.
- މުފްތީ މެންކުގެ ދަރުސަކުން
