މީސްތަކުން މަގުފުރައްދަން ޝައިޠޯނާ ކުރާ މަސައްކަތް ކޮންމެވެސް ގޮތަކުން ކުރިއަށް ގެންދަން އަބަދުވެސް މަސައްކަތްކުރާނެއެވެ. އެއްގޮތަކުން ނުގެންދެވުނުނަމަ އަނެއްގޮތަކުން ނަމަވެސް މަސައްކަތްތައް ކުރިއަސް ގެންދާނެއެވެ. އެހެންކަމުން މިބަޔާންކުރަނީ ޝައިޠޯނާ ބޭނުންކުރާ ބައެއް އުކުޅުތަކާއި ޙމަލާދޭން މަސައްކަތްކުރާ ބައެއް ގޮތްތަކެވެ.
ފުރަތަމަ މަސައްކަތްކުރާނީ ކަލަކުވޮޑިގެންނުވާކަމަށާއި އިސްލާމް ދީނަކީ ބާޠިލު ދީނެއްކަން ވިސްނައިދިނުމަށެވެ. އެކަމުގައި ފޭލްވެއްޖެނަމަ ދެން މަސައްކަތްކުރާނީ:
ﷲ ތަޢާލާ އާއި އެއްފަދަ ކަލާނގެތަކެއް ނުވަތަ ﷲ ތަޢަލާއަށް ބައިވެރިންތަކެއްވާކަންވިސްނައިދިނުމަށެވެ. އެކަމުގައި ފޭލްވެއްޖެނަމަ ދެން މަސައްކަތްކުރާނީ:
ބިދުޢަވެރި ޢަމަލެއް ކުރުވޭތޯއެވެ. އެކަމުގައި ފޭލްވެއްޖެނަމަ ދެން މަސައްކަތްކުރާނީ:
އެމީހަކު ޝައުޤުވެރިވާނެ ކަމަކުން ބޮޑެތި ފާފަތައް ކުރުވޭތޯއެވެ! އެކަމުގައި ފޭލްވެއްޖެނަމަ ދެން މަސައްކަތްކުރާނީ:
ކުދިފާފަތައް ކުރުވޭތޯއެވެ. އެކަމުގައި ފޭލްވެއްޖެނަމަ ދެން މަސައްކަތްކުރާނީ:
އެމީހަކަށް ފައިދާ ނުކުރާނެ ކަންކަމުގައި އޭނާގެ ވަގުތުތައް ހޭދަކުރުވޭތޯއެވެ. އެކަމުގައި ފޭލްވެއްޖެނަމަ ދެން މަސައްކަތްކުރާނީ:
ދީނުގެ ފަރުޟުތަކާއި ސުންނަތް އަޅުކަން ކުރިއަ ނުދިނުމަށެވެ. ޞަދަޤާތް ދިނުމަށް ވަރަށް ބޮޑަށް ހުރަސްއަޅާނެއެވެ. އެއީ ޞަދަޤާތްދިނުމަކީ ނަރަކައިން ސަލާމަތްވުމަށް އޮތް އެންމެ ފަހި މަގުތަކުގެތެރެއިން ހިމެނޭ ޢަމަލަކަށްވާތީއެވެ.
ދުނިޔެ ނިމެންދެންވެސް ޝައިޠޯނާ އޭނާގެ މަސައްކަތް ކުރިއަށް ގެންދާނެކަމާއި ނަރަކައިން ސަލާމަތްވެވި ސުވަރުގެ ޙާޞިލުކުރެވޭނީ ޝައިޠޯނާގެ މަޅީގައި ނުޖެހުމުންކަން ކީރިތި ޤުރްއާނުން އެނގެން އެބައޮތެވެ. ވީމާ ސަމާމަތްވެތިބުމަކީ އަހަރެމެންގެ ކަމެކެވެ. ޝައިޠޯނާ ކުށްވެރިކުރުމަކުން ސަލާމަތެއް ނުވެވޭނެއެވެ. ސަލާމަތްވެވެނީ ޝައިޠޯނާގެ ބަހަށް ނުހެއްލި ސާބިތުވުމުންނެވެ. އެކަންވެސް ޤުރްއާނުން އެނގެން އެބައޮތެވެ. ވީމާ ސަލާމަތްކަން ލިބިގަތުމަކީ އެމީހެއްގެ ކަމެކެވެ.
- އިސްލާމީ ތިލަފަތުގެ ދަރުސަކުން
