ތިބާއަށް ކުރިމަތިވާ އެންމެ ބޮޑު މުޞީބާތަކީ ތިބާއަށް ލެއްވެވި އެންމެ ބޮޑު ރަހްމަތްކަމުގައިވުމަކީ ގިނަބައެއްގެ ޙަޔާތުން ފެންނަމުން އަންނަކަމެކެވެ. އެކަމުގެ ސަބަބުން ލިބޭ ފިލާވަޅުތަކަކީ މުސްތަޤްބަލް އާރާސްތުކުރަން އެންމެ ބޮޑަށް މަގުފަހިވާ ސަބަބުކަމުގައި އޮންނަނީ ވެފައެވެ.
ފިނިފެންމަލުގެ ޑާނެއްގައި ނިދަން ލިބުމަކީ ތިބާގެ ދިރިއުޅުމަށް އެއްވެސް ފައިދާއެއް ކުރާނެ ކަމަކަސްނުވެދާނެއެވެ! ގޮންޖެހުންތަކާއި ކުރިމަތިލައި ކާމިޔާބުކުރަން މަސައްކަތްކުރާ މީހާގެ ދިރިއުޅުމަށް ކުރާ ފައިދާ މާބޮޑުވާނެއެވެ. އެކަމުގެ ސަބަބުން ދުނިޔެއާއި އާޚިރަތްވެސް ކާމިޔާބުކުރަން މަގުފަހިވެގެންދާތީއެވެ.
ކުރިމަތިވާ އެންމެ ގޮންޖެހުމަކުން ނަމަވެސް ތިމާގެ މަސައްކަތުން އަރައިގަނެވިއްޖެ މީހާ، އަބަދުވެސް ހުންނާނީ ގޮންޖެހުންތަކާއި ކުރިމަތިލާން ތައްޔާރަށެވެ! އެކަމާއި ކަންބޮޑެއްނުވާނެއެވެ!
- މުފްތީ މެންކުގެ ދަރުސަކުން
