މީސްތަކުން ދުނިޔެއިން އުފާވެރިކަން ހޯދާއިރު ތިބާ ﷲ ތަޢާލާގެ ޙަޟްރަތުން އުފާވެރިކަން ހޯދާށެވެ! މީސްތަކުން އެކުވެރިންގެ ކިބައިން ހިތްހަމަޖެހުން ލިބިގަންނައިރު ތިބާ ﷲ ތަޢާލާގެ ޙަޟްރަތުން ހިތްހަމަޖެހުން ލިބިގަންނާށެވެ! މީސްތަކުން ވެރިންގެ ކިބައިން މަތީ މަޤާމް ހޯދަން މަސައްކަތްކުރާއިރު ތިބާ ﷲ ތަޢާލާގެ ޙަޟްރަތުން މަތީ މަޤާމް ހޯދަން މަސައްކަތްކުރާށެވެ!:
- އިބްން އަލް-ޤައްޔިމް ރަޙިމަހުﷲ
ﷲ ތަޢާލާގެ ޙަޟްރަތުން އުފާވެރިކަން ހޯދުމަކީ އެކަލާނގެ ރުހިވޮޑިގަންނަވާނެ ގޮތަށް ތިބާގެ ޢަމަލުތައް ބެހެއްޓުމެވެ.
ﷲ ތަޢާލާގެ ޙަޟްރަތުން ހިތްހަމަޖެހުން ލިބިގަތުމަކީ ފުރިހަމަގޮތުގައި ﷲ ތަޢާލާއަށް ވަކީލްކޮށް ދެއްވަވާ ނިޢްމަތްތަކަށް ހިތްހަމަޖެހުން ލިބިގެން ހުރުމެވެ.
ﷲ ތަޢާލާގެ ޙަޟްރަތުން މަތީ މަޤާމް ހޯދަން މަސައްކަތްކުރުމަކީ ތަޤްވާވެރިކަމުގައި ކުރިއަރައި ސުވަރުގޭގެ އެންމެ މަތީދަރަޖަ، ޖަންނަތުލްފިރްދައުސް ހޯދަން މަސައްކަތްކުރުމެވެ.
