އިބްރާހީމް އަލްޚައްވާސް ރަޙިމަހުﷲ ވިދާޅުވެފައިވެއެވެ. ހިތަށްވެސް ކާނާ ބޭނުންވެއެވެ. ހިތަށް ބޭނުންވާ ކާނާ ދިނުމަށްޓަކައި 5 ކަމެއް ކުރުމަތީގައި ދެމިހުންނާށެވެ! އެއީ:
1 ފަރުވާތެރިވެގެން އިނދެ ޤުރުއާން ކިޔެވުން 2 ހަށިގަނޑަށް ބޭނުންވާނެ އެންމެ މަދުމިނަށް ކެއުން 3 ދަމުނަމާދުކުރަން ވީހައި ވީހައި ގިނަ ވަގުތު ކޮޅަށް ހުރުމާއި ރުކޫޢާ ސަޖިދަ ދިގުކުރުން (ދަމުނަމާދުގައި ހޭދަކުރާ ވަގުތު ގިނަކުރުން) 4 ފަތިސް ނަމާދުކުރުމަށްފަހު ޤުރްއާންކިޔަވައި ޛިކުރުކުރުމުގައި ވަގުތު ހޭދަކުރުން 5 ރަނގަޅު، ތަޤްވާވެރި މީހުންނާއިއެކު ވަގުތު ހޭދަކުރުމެވެ.
ހިލްޔަތު އަލްއަުލިޔާ: 15767
އަހަރެމެންގެ ތރެއިން ގިނަ ބައެއްގެ އެންމެ ބޮޑު ހިތްހަމަނުޖެހުމަކީ ނުވަތަ ކަންބޮޑުވުމަކީ ހިތަށް ހަމަޖެހުން ނުލިބުމެވެ. ހިތަށް ހަމަޖެހުން ލިބިގަތުމަށްޓަކައި ކުރަން ޢިލްމުވެރިން އިރުޝާދު ދެއްވާ ކަންކަމަކީ ކަމުގެ ޙައްލެވެ. އިން ޝާ ﷲ
