ކުރިމަތިވެފައިވާ ކޮވިޑްގެ ބަލިމަޑުކަމުންނާއި އެހެން މުޞީބާތްތަކުންވެސް ސަލާމަތްވެވޭނީ ތަޤްވާވެރިކަން އިތުރުކޮށް ދުޢާކުރުމުން ކަމަށް މިއަދުގެ ޚުޠުބާގައި ކިޔައިފިއެވެ. އަދި އެންމެންވެސް ތަޤްވާވެރިވެ ހެޔޮދުޢާކުރުން ގިނަކުރަންވެސް ޚުޠުބާގައިވަނީ ކިޔައިފައެވެ.
"ހުރިހާ ނުރައްކަލަކުން ސަލާމަތްވާން އޮތް މަގަކީ ވެސް ﷲ ތަޢާލާގެ މަގެވެ. ކުރަން އޮތް ކަމަކީ ﷲ ތަޢާލާއަށް ބިރުވެތިވުމެވެ. މާޒީގައި ﷲ ގެ ނަބިއްޔުންނާއި ރަސޫލްބޭކަލުންނަށް މިފަދަ ދަތި ޙާލަތުތައް ކުރިމަތިވެވަޑައިގެންނެވިއެވެ. ނަމަވެސް އެބޭކަލުން ﷲ ތަޢާލާގެ ރަހްމަތުން އުންމީދު ޚަނޑުއްވަވައި ނުލައްވަވަތެވެ. މާޔޫސްވެވަޑައިގަތުމެއް ނެތި ދުޢާކުރައްވަމުން ގެންދެވިއެވެ.
"މުއްމިނުންނަށް ކުރިމަތިވާ ކޮންމެ ބަލިމަޑުކަމެއްގެ ސަބަބުން ކުދިފާފަތައް ފުއްސަވައި ދެއްވަވާނެތެވެ. ގަހަކުން ފަތް ފައިބާފަދައިން އެފާފަތައް އެމީހަކާއި ވަކިވެގެންދެއެވެ. އޭނާގެ ކުށްފާފަތައް ފުއްސަވައި ދެއްވަވަތެވެ.
"ކޮންމެ ދަތިކަމާއިއެކު ފަސޭހަކަމެއްވެއެވެ." އޮތް (ވަޢުދުގެ) ވަހީބަސްފުޅަށް އިތުބާރުކޮށް ހިތްވަރުކުރުމަށްވެސް ޚުޠުބާގައިވެއެވެ.
މިއަދުގެ ޚުޠުބާއިން ވެސް އެނގިގެން ދިއައީ "ކޮވިޑް ހުއްޓުވޭނެ އެއްވެސް މީހަކު ނެތް" ކަމާއި އެކަން ޚާއްޞަވެގެންވަނީ ހަމައެކަނި ﷲ ތަޢާލާއަށްކަމެވެ. ދައުލަތުގެ މީޑިއާ އިސްވެ އޮވެ ބައިވެރިންނާއިއެކު ފެތުރީ ޝިރުކުގެ ބަސްތައް ކަމެވެ. ދައުވާކުރީ ހަމައެކަނި ﷲ ތަޢާލާއަށް ޚާއްޞަވެގެންވާ ބާރުފުޅެއް ލިބިގެން ތިބި އިންސާނުން އެބަތިބިކަމަށް ކަމެވެ.
