އަޅުގަނޑު ބަލިވާން ވަރަށް ބޮޑަށް ބޭނުންވެއެވެ. އެއީ ބަލިވުމަކީ ފާފަފުއްސަވައިދެއްވަވާކަމަކަށްވާތީ ފާފަ ފުއްސަވައިދެއްވެވުމަށް އެދެވޭވަރުބޮޑުކަމުންނެވެ. ވީމާ ބަލިވުމަށް އެދުމަކީ ކުރުން ހުއްދަކަމެއްތޯއެވެ؟
ޖަވާބަކީ ބަލިވުމަކީ ކުރިމަތިކުރައްވަވާ އިމްތިޙާނެކެވެ. އެއްވެސް އިމްތިޙާނެއް ކުރިމަތިކުރެއްވެވުމަށް އެދުން ހުއްދައެއް ނޫނެވެ.
ޙަދިޘްފުޅުގައި އޮތީ ބަލިވުމަށް ނުއެދުމަށެވެ. ދުޅަހެޔޮ ޞިއްޙަތެއް ދެއްވެވުން އެދި ދުޢާކުރުމަށެވެ. އަދި ބަލިވެއްޖެ ނަމަ ކެތްތެރިވެ ސާބިތުވުމަށެވެ. ވީމާ އެއްވެސް ޙާލަތެއްގައި ބަލިވުން ފަދަ ތިމާއަށް ތަކްލީފް އުފުލަންޖެހޭނެ ފަދަ އެއްވެސް ކަމެއް މިންވަރުކުރައްވަވައި ދެއްވެވުން އެދި ދުޢާކޮށްގެން ނުވާނެއެވެ!
އަދި ބަލިވެއްޖެނަމަ ދުޢާކުރުމާއިއެކު ބޭސްފަރުވާވެސް ކުރަންވާނެއެވެ. ބަލިތަކުން ސަލާމަތްވެހުރުމަށް މަސައްކަތްވެސް ކުރަންވާނެއެވެ.
- އިސްލާމީ ތިލަފަތުގެ ދަރުސަކުން
