މިހާރަށް ބަލައިފިނަމަ އަތުގައި ފޯނެއް ނެތް މީހަކު މަދުވާނެއެވެ. އެއީ އެއްވެސް މައްސަލައެއް ނޫނެވެ. ޒަމާނީ ޓެކްނޮލޮޖީ ހަމަ ބޭނުންކުރަންވީއެވެ. ޢާއިލީ ގުޅުންތަކާއި ވިޔަފާރި ކުރިއެރުވުން ފަދަ ތިމާއަށް ފައިދާކުރާނެ ކޮންމެ ކަމަކަށް ބޭނުންކުރަންވީއެވެ.
ދެން ވަރަށް ގިނަ މީހުން އަހަރެންގެ ފޯނު ނަމްބަރު އަހައެވެ. އެއީ މައްސަލައެއްވެސް ނޫނެވެ. ނަމަވެސް އަހަރެންގެ ނަމްބަރަށްގުޅުމަށްވުރެ މުހިންމުކަންބޮޑުވެގެންވަނީ ﷲ ތަޢާލާ އަށް ގުޅުމެވެ. އެކަމަށް އެންމެ ކުޑަމިނުން ފޯނެއްވެސް ނަމަބަރެއްވެސް ފައިސާއެއްވެސް ބޭނުމެއް ނުވާނެއެވެ.
ކޮންމެ ތަނެއްގައި ހުރެގެންނަމަވެސް ދެއަތް އުފުލައިލާށެވެ! "ޔާ ﷲ!" އެވެ ދެންނެވުމުން އެއޮތީ ގުޅިފައެވެ. އެމީހަކު ބޭނުން ކަމެއްގެ ވާހަކަ ދަންނަވަންވީއެވެ. އެއަޑު ﷲ ތަޢާލާ އައްސަވައިވޮޑިގެންވާނެތެވެ ޢިޖާބަވެސް ދެއްވަވާނެތެވެ. ކިތަންމެ ގިނައިން، ކިތަންމެ ގިނަ ކަންކަމު، ކިތަންމެ ގިނަ ފަހަރު ދެންނެވިނަމަވެސް ފޯހިވެވޮޑިގަތުމެއް ނެތި އައްސަވައިވޮޑިގެންވާނެތެވެ! ވީމާ ހަމަ އެމީހަކު ބޭނުންހައިވަރަކަށް ދަންނަވަމުން ގެންދަންވީއެވެ!
އެނބުރި ކުރިން ދައްކަމުން އައި ފޯނުގެ ވާހަކައަށް އަލުން ރުޖޫޢަވެލާނަމެވެ. ފޯނު ބޭނުންކުރަންވީ އެމީހަކަށް ފައިދާކުރާނެ ކަންކަމަށެވެ. ގޫގްލްކުރަންވީ ދީނުގެ ޞައްހަ މައުލޫމާތު އޮޅުންފިލުވުމަށެވެ. ޛިކުރުތަކާއި ދުޢާތައް ހޯދުމަށެވެ. އެންމެ ގިނަވަގުތު ހޭދަކުރަންވީ ކީރިތި ޤުރްއާން ކިޔެވުމަށާއި މާނަ ދަސްކުރުމަށެވެ. އެއިރުން ތިބާއަށް ލިބޭނެ ކުރިއެރުން ތިބާއަށް ނުވެސް ވިސްނޭނެއެވެ.
ތިބާގެ ފޯނަކީ އާޚިރަތަށް ތައްޔާރުވާން ބޭނުންކުރާ އެއްޗަކަށް ހަދާށެވެ! ތިބާގެ ފޯނަކީ ޤިޔާމަތް ދުވަހު ތިބާއަށް އެންމެ ފައިދާ ކޮށްދޭނެ ވަސީލަތްކަމުގައި ހަދާށެވެ! ނަރަކައަށް ވަންނަން ޖެހޭނެ އެއްޗަކަށް ނުހަދާށެވެ!
- މުފްތީ މެންކުގެ ދަރުސަކުން
