އަހަރެމެންގެ ލޮބުވެތިނަބިއްޔާ މުޙައްމަދު ﷺ އަށް ކޮންމެ ކަމަކުން ނަމަވެސް އެންމެ ބޮޑަށް ހިތްޕުޅު ހަމަޖެހިވަޑައިގަތުން ލިބިވަޑައިގަންނަވަނީ ނަމާދުކުރެއްވެވުވުމުންނެވެ. އެކަމަށް ދަހިވެތިވެތިވެ ވޮޑިގަންނަވާ މިންވަރު ނިކަން ދެކި ބަލާށެވެ.
އަނބިއަނބި ކަނބަލުންގެ ތެރެއިން ޢާއިޝަތުގެފާނަކީ ޢުމުރުފުޅުގެ ގޮތުން އެހައި ހަގު ބޭކަނބަލަކަށްވެފައިވީއިރު ވެސް، ވިދާޅުވެފައިވާ މި ބަސްފުޅު ނިކަން އަޑުއަހައިބަލާށެވެ!
"ތިމަންކަމަނާއަށް ހޭފުޅު ލެއްވެވިގެން ރަސޫލް ﷺ ކޮބައިތޯ ބައްލަވާއިރު ފެނިވަޑައިނުގަތުމުން އަތްޕުޅު ކާއްތަވާއިރު އެނދުދާންކޮޅު މަތީގައި ހުންނަވަނީ ނަމާދަށެވެ! (ދަމުނަމާދަށެވެ!)"
ނިކަން ވިސްނައިލަބަލާށެވެ! އުމުރުފުޅުން އެހައި ހަގު، އެހައި ލޯބިފުޅުވާ އަނބިކަނބަލުން ދޫކުރައްވައި ތެދުވެވަޑައިގެން އެހުންނަވަނީ ނަމާދަށެވެ! އަނބިކަނބަލުންގެ އަރިހުން ލިބިވަޑައިގަންނަވަން އޮތް އުފާވެރިކަން ދޫކުރައްވަވައި ﷲ ތަޢާލާގެ ޙަޟްރަތުން ހިތްޕުޅު ހަމަޖެހިވަޑައިގަތުމާއި އުފާވެރިކަން ހޯއްދެވުމަށެވެ. ފާފަފުއްސަވައި ދެއްވަވައި ރަޙްމަތް ލެއްވެވުން އެދި ދުޢާ ކުރެއްވެވުމަށެވެ.
އަހުރެން މިއަދު ކޮށްލަން ބޭނުންވަނީ ހަމަ އެންމެ ސުވާލެކެވެ. އަހަރެމެން ކޮންމެ މީހަކަށް އެތައް ބައިވަރު ކަންތައްތަކަށް ބޭނުންވެފައިވާއިރު ނުހަނު ދަތިޙާލުގައި އުޅޭއިރު، ރޭގަނޑު ނިދީން ހޭލައި މިފަދައިން ނަމާދެއްކޮށްލެވެނީ ކިތައް މީހުންނަށް ހެއްޔެވެ؟ ދެއަތް އުފުލައި ނުވަތަ ސަޖިދައިގައި އޮވެ ދުޢާއެއް ކޮށްލެވެނީ ކިތައް މީހުންނަށް ހެއްޔެވެ؟
އެމީހަކު ނިދާނެވަރަކަށް ނިދާފައި ހޭލާނެ އިރަކުން ހޭލައިގެން ދެއަތް އުފުލައި ދެންނެވުމުން އެބަ ކަންކަން ހިންމަވައި ދެއްވަވަތެވެ. ވީއިރު ރޭގަނޑުގެ އަރާމު ނިންޖާއި ލޯބިވާ ބައިވެރިޔާ ދޫކޮށް ތެދުވެ ދުޢާ ކުރުމުން އިތުރަށް ދެއްވަވާނެ ނިޢްމަތްތަކާއިމެދު ވިސްނައިލާށެވެ! ވީމާ ބުނެލަން އޮތީ ހަމަ ކުޑަކުޑަ ހިތްވަރެއް ލައިގެން ތިއަ އެދޭ ހުރިހާ ކަމެއް ނުހަނު ފަސޭހައިން ޙާޞިލުކުރުމުގެ ފުރުޞަތު ވަނީ ފަހިވެގެންނެވެ. ފުރުޞަތުގެ ބޭނުން ހިފުމާއި ނުހިފުން އޮތީ ހަމަ ތިމާގެ އަތްމަތީގައެވެ!
މީސްތަކުންނޭވެ! ދަމުނަމާދަކީ ހަމަ ހުރެފައިކޮށްލާ ނަމާދަކަށް ނުހަދާށެވެ! އެކަމަށް ފުރިހައަށް ތައްޔާރުވެލައި، ގައާއިވެލައިގެން ކުރާ ނަމާދަކަށް ހަދާށެވެ! މިސާލަކަށް ރަސޫލް ﷺ ދަމުނަމާދުކުރެއްވެވިއިރު ﷲ ތަޢާލާއަށް ބިރުފުޅުން ކީރިތި ކުރައްވާލެއް ބޮޑުކަމުން ކޮޅަށްހުރި މީހެއްގެ ބޮލަށް ފެންބާލިދީއެއް އަޅައިލުމުން ތުބުޅިންލާފައި ފެން އޮހޮރޭނެ މިސާލުގައި ރަސޫލް ﷺ ގެ ތުބުޅިފުޅުން ކަރުނަފޮދު ފައިބާކަން ޙަދީޘްފުޅުން ސާބިތުވާން އެބައޮތެވެ!
- އިސްލާމީ ތިލަފަތުގެ ދަރުސަކުން
