އަހަރެމެންގެ އަލަމާރިތައް ބަލައިފިނަމަ ބޭނުން ނުކުރާތާ އަހަރުދުވަސްވެފައިވާ އެތައް އެއްޗެއް ފެންނާނެއެވެ. ބަދިގޭ ސާމާނާއި ހެދުމާއި އެނޫންވެސް އެތައް ބައިވަރު ތަކެތި ފެންނާނެއެވެ.
މީސްތަކުންނޭވެ! މިގޮތަށް ތަކެތި ނުބަހައްޓާށެވެ! ބޭނުން ނުކުރާ އެއްވެސް އެއްޗެއް އަތުގައި ބެހެއްޓުމުގެ އެއްވެސް ބޭނުމެއް ނެތެވެ. އެއެއްޗެތި ނުލިބިގެން އެތައް ބައަކު އެބައުޅެއެވެ. ވިސްނާށެވެ! ތިމާއަށް ކޮންމެހެން ބޭނުންވާވަރަށްވުރެ ގިނައިން ތަކެތި އަތުގައި ރައްކާކޮށްފައި ނުބަހައްޓާށެވެ! މަރުވާނީ ކޮން ވަގުތަކުކަމެއް ނުއެނގޭނެއެވެ. ޞަދަޤާތްކުރެވިފައިވާނަމަ އެއީ އާޚިރަތަކަށްޓަކައި ޖަމާކުރެވޭ އަގުހުރި މުދައުކަމުގައިވެގެންދާނެއެވެ.
މިއަހަރުގެ ރަމަމާން މަސް ދާދި ގާތްވެއްޖެއެވެ. ގިނަ ބައަކު އެތައްބައިވަރު ތަކެތި އައުކުރާނެއެވެ. މިހާރު ބޭނުންކުރަމުން އަންނަ އެތައް އެއްޗެއް އެއްލައިލާނެއެވެ. އެހެން ނުހަދާށެވެ! ބޭނުން ހިފާނެ ކޮންމެވެސް މީހަކު ހޯދާފައި ހަދިޔާކުރާށެވެ!
ރަމަޟާން މަސް އަންނައިރު ގޭގައި ބޭނުންކުރާނެ ތަކެތި ނެތް އެތައްބައަކު ތިބޭނެއެވެ. ތާހިރުވެ ލާނެ ފޭރާން ނެތް އެތައް ބައަކުވެސް ތިބޭނެއެވެ. ތިބާގެ ހަދިޔާ އެމީހުންނަށް ވެގެންދާނީ ވަރަށް އަގުހުރި އެއްޗަކަށެވެ.
މިހާލަތުގައިވެސް ހަނދުމަކޮށްލައިދޭން ބޭނުންވަނީ އެހެން މީހުންގެ ބޭނުންތައް ފުއްދައިދޭން މަސައްކަތްކުރާ މީހާއަށް ދެއްވަވާ މަތިވެރި ދަރުމައެވެ. ޔަތީމްކުދިންނާއި ހުވަފަތް އަންހެނުންގެ ބޭނުންތައް ފުއްދައިދިނުމުން މުޅި ރޭ ރޭއަޅުކަންކުރުމާއި ހުރިހާ ދުވަހަކު ސުންނަތް ރޯދަ ހިފާ މީހާއަށް ދެއްވަވާ ސަވާބާއި ދަރުމަ ދެއްވަވާނެތެވެ. ވީމާ އެހީތެރިވެދޭނެ އެފަދަ ބައަކު ނުއެނގޭނަމަ ދެން އެންމެ ޙައްޤުކަން ބޮޑު ބައަކަށް އެހީތެރިވާށެވެ!
- މުފްތީ މެންކުގެ ދަރުސަކުން
