އިސްލާމިކް މިނިސްޓްރީއިން ކަނޑައަޅުއްވާފައިވާ (ޝެއިޚުންނާއި މެޑިކަލް ޑޮކްޓަރުންވެސް ހިމެނޭ) ކޮމިޓީއިން މިޙާލަތުގައި މިސްކިތުގެ ޖަމާޢަތް ކުރިއަށް ގެންދިއުމަށް ނިންމަވާފައިވާ ނިންމެވުމުގައި ޞަފު ހަދާއިރު ގައިދުރުކަން ބަހައްޓާ، ދުރުދުރުގައި ތިބުމަށް އަންގަވާފައެއް ނެތެވެ.
އެހެންކަމުން މިސްކިތުގެ ޖަމާޢަތުގައި ނަމާދު ކުރަން ޖެހޭގޮތާއިމެދު ފާޑުކިޔައި ގޮތް ކަނޑައެޅުމަކީ ހަމައެކަނި މެޑިކަލް ޑޮކްޓަރުންނަށް ނުވަތަ ހެލްތު މިނިސްޓްރީއަށް އޮތްކަމެއް ނޫނެވެ.
-މިޙާލަތުގައިވެސް މާސްކު އަޅަން ނުޖެހޭ ކަމަށް ދީނީ ޢިލްމުވެރިން ފަތުވާ ދެއްވާކަމަށް ތުހުމަތު ކުރައްވާނަމަ، އެގޮތަށް ފަތުވާ ދެއްވަނީ ކޮންބައެއްކަން ބަޔާން ނުކުރައްވަނީ ކީއްވެތޯ؟
ނަމާދުގައި އަނގަ ނިވާކުރުން ނަހީކަމަށް ވާރިދުވެފައިވާ ޙަދީޘް ބަސްފުޅުގެ މުރާދަކީ އެއީ މަކްރޫހަކަމެއް ކަމަށް ވުމުން، ބަލީގެ ބިރު އޮތްނަމަ މާސްކުއަޅައިގެން ނަމާދު ކުރުމުގައި އެއްވެސް މައްސަލައެއް ނެތްކަމަށް ޢިލްމުވެރިން އެދަނީ ބަޔާންކުރައްވަމުންނެވެ.
والله أعلم.
- ޝައިޚް އާދަމް ނިޝާން ޢަލީ
