އަހަރެމެންގެ ތެރެއިން ގިނަ މީހުންނަކީ މަރުވާނެ ކަމާއިމެދު ކަންބޮޑުވާ ބައެކެވެ. ނަމަވެސް މަރުވާނެ ކަމާއިމެދު ކަންބޮޑުނުވާށެވެ. ޙަދީޘްފުޅުގައި އޮތީ މަރުވުމަކީ ނިޢްމަތެއް ކަމަށެވެ!
މަރުވުމަކީ ނިޢްމަތަކަށްވެގެންދަނީ ދުނިޔޭގައި ހުރެ ތިމާ ކުރި މަސައްކަތުގެ ނަތީޖާފެނި އެކަމުގެ އަރާމާއި އުފާ އެމީހަކަށް ލިބިގެންދާނީ އެމީހަކު މަރުވުމުން ކމުގައިވާތީއެވެ. ވީމާ މަރުވާނެތީ ކަންބޮޑުނުވެ އުފާކުރާށެވެ!
އަހަރެމެންގެ ނުވަތަ ގެންގުޅޭ ޑީވައިސްތަކުގައި ހުންނަ އެހެން މީހަކަށް ފެންނަން ބޭނުންނުވާ ތަކެތި މިގެންދަނީ ވަގުތުން ޑިލީޓްކުރަމުންނެވެ. އެކަމަށް އަވަސްވެގަންނަމުއެވެ. ވީމާ އެކަމަށް އަވަސްވެގަންނަފަދައިން ތިމާގެ ކިބައިގައި ހުރި ޑިލީޓްކުރަންޖެހޭ ކަންކަން އަވަހަށް ޑިލީޓްކޮށްލާށެވެ! ޤިޔާމަތް ދުވަހު އެކަންކަމާއި ކުރިމަތިލާން ނުޖެހޭނީ އެއިރުންނެވެ.
ޢަމަލުތައް ޑިލީޓްކުރުމަކީ ކުރެވޭ ފާފަތަކަށް ތައުބާވުމެވެ. އިޚްލާޞްތެރިކަމާއިއެކު، އެކަމުގެ ޝަރުޠުތައް ފުރިހަމަކޮށް ތައުބާވުމުން އެހިސާބުން އެފާފަތައް ޑިލީޓްކުރައްވަވާނެތެވެ. ތިބާގެ ފަތުން އެކަންކަން ފުހެވިގެންދާނެތެވެ.
- މުފްތީ މެންކުގެ ދަރުސަކުން
