ކޮރޯނާ ވައިރަސްވެސް އަދި އެހެން މުޞީބާތްތައްވެސް ކުރިމަތިވަނީ މީސްތަކުންގެ ޢަމަލުތައް ހުންނަ ގޮތުންނެވެ. ތަޤްވާވެރި ނުވެވޭތީޯއެވެ. ތައުބާ ނުވެވޭތީއެވެ. ކޮންމެ މުޞީބާތަކުން ސަލާމަތްވުމަށްވެސް ކުރަން އޮތް އެންމެ މުހިންމު ކަމަކީ
މުޞީބާތްތައް ކުރިމަތިވުމުން މިއީ ﷲ ތަޢާލާގެ ޙަޟްރަތުން އައި ޢަޛާބެއްކަމާއިމެދު ގިނަ ބައަކު ސުވާލު އުފައްދައެވެ. އެސުވާލުިގެ ޖަވާބަކީ އަހަރެންނަށްވެސް އަދި އެހެން މީހަކަށްވެސް ދެވޭނެ ޖަވާބެއް ނޫނެވެ. އެހެނީ ބައެއް މުޞީބާތްތައް ފޮނުއްވަވަނީ ރަޙްމަތަކަށެވެ. އަނެއްބައި މުޞީބާތްތައް ފޮނުއްވަވަނީ ޢަޛާބަކަށެވެ. އެހެންކަމުން ބަލަން ޖެހޭނީ ކީރިތި ޤުރްއާނަށާއި ޙަދީޘްފުޅުތަކަށެވެ.
ދުނިޔޭގައި ތިއްބައިވެސް މީސްތަކުންނަށް ޢަޛާބް ފޮނުއްވަވާކަން ޤުރްއާނުން އެނގެން އެބައޮތެވެ! އަދި ޢަޛާބް ޙައްޤު ނޫން މީހަކަށް ޢަޛާބް ނުދެއްވަވާނެކަން ވެސް އެނގެން އެބައޮތެވެ. ވީމާ ޔަޤީން ކުރަންވީ ކަމަކީ ތިމާއަށް ޢަޛާބެއް ފޮނުއްވަވާނީ އެކަން ތިމާއަށް ޙައްޤުވުމުން ކަމެވެ.
މުއްމިނުންނަށް އޮތް އުފާވެރި ޚަބަރަކީ ތިމާއަށް ޢަޛާބު ޙައްޤުވީ ނަމަވެސް އެމީހަކު ތައުބާވެއްޖެ ނަމަ ފާފަ ފުއްސަވައި ދެއްވަވާނެ ކަމާއި ޢަޛާބުން ސަލާމަތްކުރައްވަވައިދެއްވަވާނެ ކަމެވެ. އެކަމަށްޓަކައި ބޭނުން މިވަނީ ދެކަމެކެވެ. އެއީ ފާފަފުއްސަވައި ދެއްވެވުން އެދި ގިނަގިނައިން ދުޢާކުރުމާއި ތަޤްވާވެރިކަން އިތުރުކުރަން މަސައްކަތްކުރުމެވެ.
ތަޤްވާވެރިކަން އިތުރުކުރަން ކުރަންޖެހޭ ކަންކަން ކުރެވޭނީ ތިމާގެ އެކުވެރިންނަކީ ހެޔޮލަފާ ޞާލިޙް ބައެއްކަމުގައިވެގެންނެވެ. ﷲ ތަޢާލާއަށް އުރެދޭ މީހުންނާއިއެކު އުޅޭ މީހަކަށް ތަޤްވާވެރިވުމަކީ އެހައިފަސޭހައިން ކުރެވޭނެ ކަމެއް ނޫނެވެ. ނަމަވެސް ހެޔޮލަފާ، ތިބާއަށް ﷲ ތަޢާލާގެ އެންގެވުންތައް ހަނދުމަކޮށްދޭ މީހުންނާއިއެކު އުޅެވޭނަމަ ﷲ ތަޢާލާގެ ޢަޛާބް ތިބާއަށް ޙައްޤުވާ ސަބަބުތަކާއި ކައިރިވެވުން ދުރުވާނެއެވެ!
- މުފްތީ މެންކުގެ ދަރުސަކުން
