ދުނިޔެއަކީ ޢަމަލުކުރުމާއި އިމްތިޙާނުގެ ގޯތިކަމުގައި ލެއްވިއެވެ. އަދި އެތަނުގައި ފަނާވުން ލެއްވިއެވެ. އަދި އާޚިރަތަކީ ޙިސާބު ބެއްލެވުމާއި ޖަޒާ ދެއްވުމުގެ ގޯއްޗެވެ. އަދި އެތަނުގައި ދާއިމަށް ދެމިތިބުން ލެއްވިއެވެ. ބޭނުންތަނެއް އިޚްތިޔާރުކުރުމުގެ ބާރުވަނީ ދެއްވަވައިފައެވެ.
ތަޤުވާވެރިންނަށްޓަކައި އެތާނގެ ދަށުން ކޯރުތައް ހިނގަހިނގާ ހުންނަ ސުވަރުގެތައް ތައްޔާރުކުރައްވާފައިވެއެވެ. އެތަނުގައި އެބައިމީހުން ދެމިތިބެނިވި ގޮތުގައެވެ. އެތަނުގައިވަނީ ލޮލަކަށް ފެނިފައި ނުވާ، ކަންފަތަކަށް އިވިފައި ނުވާ އަދި އިންސާނެއްގެ ހިތަށް ތަސައްވުރު ކުރެވިފައި ނުވާ ކަންކަމެވެ. އަދި ކާފިރުންނަށްޓަކައި ޖަހަންނަމައިގެ އަލިފާން ތައްޔާރުކުރައްވާފައިވެއެވެ.
“ޞާލިޙު ޢަމަލެއް ކޮށްފިމީހާ (ދަންނާށެވެ!) ފަހެ، އެކަމުގެ ދަރުމަހުރީ އެމީހާގެ އަމިއްލަ ނަފްސަށެވެ. އަދި ނުބައި ޢަމަލެއް ކޮށްފިމީހާ (ދަންނާށެވެ!) ފަހެ، އެކަމުގެ ހަލާކުހުރީ، ހަމަ އެ ނަފްސުގެ މައްޗަށެވެ.” (فصلت: 46)
--الشيخ عبد الله بن عبد الرحمن البعيجان – حفظه الله
