ވިތުރިގެ ވަގުތު:
ވިތުރި ކުރުމުގެ ވަޤުތަކީ ޢިޝާ ނަމާދުކޮށް ނިމުމުން ފެށިގެން ފަޖުރުލުމަށް ދާންދެނެވެ. ނިދުމަށްފަހު ނުހޭލެވިދާނެ މީހާއަށް އޮތީ ވިތުރިކޮށްގެން ނިދުމެވެ. ނިދުމަށްފަހު އަޅުކަންކުރަން ހޭލެވޭނެ ކަމުގެ ޔަޤީންކަން އޮތް މީހާއަށް މޮޅު އިތުރުވެގެންވަނީ ރޭގަނޑުގެ ނިދީން ހޭލައި ދަމުނަމާދުކުރުމަށްފަހު ވިތުރި ކުރުމެވެ.
ޙަޤީޤަތުގައި ވިތުރިކުރަން އެންމެ ރަނގަޅުވަގުތަކީ ފަޖުރުލުމާއި އެންމެ ގާތްވަގުތެވެ. ނަމަވެސް ކުރިން މިބުނި ފަދައިން ނިދދާފައި ހޭލެވޭނެކަމުގެ ޔަޤީންކަން ނެތްނަމަ އޮތީ ވިތުރިކޮށްގެން ނިދުމެވެ.
ވިތުރި އަކީ ވެސް ދަމުނަމެދެކެވެ. އެމީހަކު ކުރަން ބޭނުންވާ ޢަދަދަކަށް 2 ރަކްޢަތުން 2ރަކްޢަތުން 2 ރަކްޢަތުން ކުރަމުން ގެންދަންވީއެވެ. އަދި ފަތިސްވެދާނެ ކަމުގެ ބިރު އުފެދުމުން 1ރަކްޢަތްކޮށް ނިންމާށެވެ!
ވިތުރި ގައި 3، 5، 7، 9، 11 ރަކްޢަތް ކުރެވިދާނެއެވެ. އަދި އެންމެ ރަކްޢަތަކުންވެސް ފުއްދައިލެވިދާނެއެވެ.
މިހާރަކަށް އައިސް ގިނަ ބައަކު ކުރަނީ 2 ރަކްޢަތެވެ. އެއީ 2 ރަކްޢަތް ކުރުމަށްފަހު ސަލާމް ދީފައި ތެދުވެ 1 ރަކަޢަތްކޮށްފައި ނިންމުމެވެ. 3 ރަކްޢަތުކުރަނީ އެއަށްވުރެ ގިނަ ކުރެވެން ނެތިގެނެއް ނޫނެވެ. ކުރިން މިބުނިފަދައިން އެއީ އެމީހެއްގެ އަމިއްލަ އިޚްތިޔާރުގައިވާ ކަމެކެވެ.
- އިސްލާމީ ތިލަފަތުގެ ދަރުސަކުން
