ސައިންސްވެރިންނާ ޑޮކްޓަރުން ބުނަނީ އިންސާނާ ދެކެން އެންމެ ބޭނުންވާ ކަންކަން ފެންނަނީ ލޮލަށް ނޫންކަމަށާއި ހިތަށް ކަމަށެވެ! އަހަރެން ބުނާނީ ﷲ ތަޢާލާ އަހަރެމެންގެ ލޮލަށް މިދުނިޔޭގައި ނުފެންނަނީ އެހެންވެގެން ކަމަށެވެ! ލޮލުން އެންމެ ބޮޑަށް ދެކެން ބޭނުންވަނީ ﷲ ތަޢާލާ ކަމުގައިވާތީ ކަމަށެވެ!
ﷲ ތަޢާލާގެ ސިފަފުޅު މިއަދު ހިތަށް ތަޞައްވަރުކުރަން މަސައްކަތްކުރާށެވެ! ސުވަރުގެ ވަދެވި ﷲ ތަޢާލާގެ މޫނުފުޅު ފެންނާނެ މީހަކު ކަމުގައިވުމަށް މަސައްކަތްކުރާށެވެ! ޙަޤީޤީ ކާމިޔާބު ހާޞިލުކުރެވޭނެ މީހުންނަކީ އެއީ އެވެ.
އެކަން ޙާޞިލުކުރަން ކުރަން އޮތް އެންމެ މުހިންމު ކަމަކީ ހިތުގައި އީމާންކަން ވަރުގަދަކުރުމެވެ. ހިތުގައި އީމާންކަން ވަރުގަދަކުރާ މީހުންދެކެ ﷲ ތަޢާލާ ލޯބިވެވޮޑިގަންނަވާ މިންވަރު ނިކަންދެކިބަލާށެވެ! ފުރިހަމަ ގޮތުގައި ﷲ ތަޢާލާއަށް އީމާންވި މީހުންނާއިމެދު ޤިޔާމަތްދުވަހު ﷲ ތައާލާ ފަޚުރުވެރިވެވޮޑިގެން ބަސްފުޅު ވަޙީކުރައްވަވާނެތެވެ. އެކަން އިޢުލާނުކުރައްވަވާނެތެވެ. އެއީ އެމީހުންގެ ލޮލަށް ﷲ ތަޢާލާ ފެނުމަކާއި ނުލައި ﷲ ތަޢާލާއަށް އީމާންވީތީއެވެ. ޝަރީކުނުކުރީތީއެވެ.
މީސްތަކުންނޭވެ! އިންސާނަކަށް ލިބޭނެ އެންމެ މަތިވެރި ޝަރަފަކީވެސް އެންމެ މަތިވެރި ދަރަޖައަކީވެސް އެންމެ ބޮޑު އުފަލަކީވެސް އެމީހަކާއިމެދު ﷲ ތަޢާލާ ފަޚުރުވެރިވެ ވޮޑިގަންނަވާ އަޅަކު ކަމުގައިވުމެވެ. އީމާންކަން ވަރުގަދަކޮށް އެފަދަ މީހަކު ކަމުގައި ވެވޭތޯ ގަދައަޅައި މަސައްކަތްކުރާށެވެ! ކާމިޔާބުކުރެވޭނެއެވެ! އިން ޝާ ﷲ
- އިސްލާމީ ތިލަފަތުގެ ދަރުސަކުނ
