އަޅުގަނޑުމެންގެ މުޖުތަމަޢުގަވެސް މަދުންނަމަވެސް އަންހެނުންގެ ދަރަޖަ ދައްކުރެވޭތަން ފެނެއެވެ.
1. ދެމަފިރިން ވަޒީފާ އަދާކުރާނަމަ އަންހެންމީހާގެ މުސާރަ، ނުވަތަ ކޭޝްކާރޑް އޮންނަން ޖެހެނީ ފިރިމީހާގެ އަތުގަކަމަށް ދެކުން
2. މަތީ ތަޢުލީމު އުނގެނެންޖެހެނީ ހަމައެކަނި ފިރިހެނުން ކަމަށް ދެކުން
3. ގޭތެރޭމަސައްކަތް ކުރަންޖެހެނީ ހަމައެކަނި އަންހެނުން ކަމުގަ ދެކުން
4. ދަރިފުޅު ބަލަންޖެހެނީ އަންހެނުން ކަމުގަ ދެކުން
5. ގެވެށި އަނިޔާގެ ޝިކާރައަކަށްވެ، ގޭގައި ފިތިގެން އިންނަން ޖެހޭ މީހެއްކަމުގައި ދެކުން
މިއީ އަޅުގަނޑުމެންނަށް މިއަދުން ފެށިގެން ރަނގަޅު ކުރެވިދާނެ ކަންކަމެވެ!
- ކޮންމެދުވަހަކީވެސް އެކަކު އަނެކާއަށް އިޙްތިރާމް ކުރާ ދުވަހަކަށް ހަދަމާ-.
އާއިލާގެ ތެރޭންފެށިގެން މިތުރުންނާއި މަސައްކަތުމާޙައުލުގެ އެންމެހާ ކަނބަލުންނަށް ބާއްޖަވެރި ދުވަހަކަށް އެދެން.
އަޅުގަނޑުގެ އަމިއްލަ ނަފްސާއި އެންމެހާއި ފިރިހެނުންގެ ޢަމަލުތައް ރަނގަޅުކުރެއްވުމަށްއެދި ﷲ ގެ ހަޒްރަތަށް ދުޢާ ކުރަން.
- ޑރ. މުޙައްމަދު ޢަލީ
މިއަދުނޫހުގެ ބަސް:
ޑރ. މުޙައްމަދު ޢަލީ ފާހަގަކުރައްވާފައިވާ 5 ކަންތަކަކީވެސް އިސްލާމް ދީނުގައި ބަޔާންވެގެންވާ ގޮތާއި ޚިލާފަށް ކުރަމުން ގެންދާ ކަންކަމެވެ. ކީރިތި ޤުރްއާނާއި އަދި ރަސޫލް ﷺ ގެ ސުންނަތާއި ޚިލާފަށް ކުރަމުން ގެންދާ ކަންކަމެވެ. އެނގިގެން މިދަނީ އަންހެނުންނަށް ކުރިމަތިވާ މައްސަލަތަކުގެ ހައްލު އޮތީވެސް ހަމަ އިސްލާމް ދީނުގައިކަމެވެ.
