ފެށި ހިނގަމުން މިދަނީ ޝަޢްބާން މަހެވެ. އެމަހަކީ ތިމަން ރަސޫލާ ﷺ ގެ މައްސަރުކަމަށް ޙަދީޘްފުޅުކުރެއްވެވި މައްސަރެވެ. އަދި ރަސޫލް ﷺ އެމަހެއްގައި އެންމެ ގިނައިން ސުންނަތް ރޯދަ ހިއްޕެވި މައްސަރެވެ.
ޝަޢްބާން މަހަކީ ފާއިތުވި އަހަރު ތިބާ ކުޅަ ޢަމަލުތައް ﷲ ތަޢާލާގެ ޙަޟްރަތަށް އުފުއްލެވޭނެ މައްސަރެވެ. ޙަދީޘްފުޅުގައި އޮތީ ތިމަން ކަލޭގެފާނުގެ ޢަމަލުފުޅުތައް ﷲ ތަޢާލާގެ ޙަޟްރަތަށް އުފުއްލެވޭހިނދު ރޯދައަށް ހުންނެވުމަށް ލޯބިފުޅު ކުރައްވަވާ ކަމަށެވެ. ހަމަ އެއާއިއެކު ޝައްބާންމަހާއިމެދު މީސްތަކުން ފަރުވާކުޑަކުރާ ކަމަށެވެ.
މީސްތަކުންނޭވެ! ޢުމުރަކީ އެނގޭ އެއްޗެއް ނޫނެވެ. ކޮންމެ ވަގުތަކުވެސް މަރުވެދާނެއެވެ. ދެން އަންނަ ޝަޢްބާން މަހަކާއި ބައްދލުނުވެދާނެއެވެ. ވީމާ ބައްދަލުވި ޝަޢްބާން މަހުގެ ބޭނުން އެންމެ ހެޔޮގޮތުގައި ހިފާށެވެ! ސުންނަތް ރޯދަ ހިފުން ގިނަކުރާށެވެ. އެންމެ ކުޑަމިނުން ހޯމަ، ބުރާސްފަތި އަދި 13،14،15 ދުވަހު ރޯދަހިފާށެވެ!
ޝައްބާން މަހު ހިނގާފައިވާ މުހިންމު ބައެއް ކަންކަން!:
1 މުޢްޖިޒާތެއްގެ ގޮތުން ހަނދު ދެފަޅިއަށް އިރުއްވެވުން
2 މައްކާގެ ޙަރަމްފުޅަށް ޤިބްލަ ބަދަލުކުރެއްވެވުން
