ނަބިއްޔާ ﷺ ޙަދީޘްކުރެއްވިއެވެ
)--هُوَ اخْتِلاَسٌ يَخْتَلِسُهُ الشَّيْطَانُ مِنْ صَلاَةِ العَبْدِ)» [رواه البخاري]
މާނައީ: "(ނަމާދުގައި އެކިފަރާތް ފަރާތަށް ބެލުމަކީ) އެއީ އަޅާގެ ނަމާދުން، ޝައިޠާނާ އޮޅުވާލައިގެން ކުރާ ވައްކަމެކެވެ."
"(ނަމާދުގައި އެކިފަރާތް ފަރާތަށް ބެލުމަކީ) އެއީ އަޅާގެ ނަމާދުން، ޝައިޠާނާ އޮޅުވާލައިގެން ކުރާ ވައްކަމެކެވެ." ޙަދީޘް (ޞަޙީޙް ބުޚާރީ)
މީސްތަކުންނޭވެ! ކަން އޮތީ މިފަދައިން ކަމަށްވާއިރު ނަމާދަށް ހުންނަހިނދު އެކިއެކި ތަންތަން ނުބަލާށެވެ! ފަރާތްފަރާތަށް ކަލި ނުހިންގާށެވެ! ސަޖިދަކުރާ ދިމާއަށް ބަލަން ހުންނާށެވެ! ޖަމާޢަތުގައި ކުރިނަމަވެސް އަދި ގޭގައި ނަމާދުކުރިނަމަވެސްމެއެވެ.
އަނހެނުން ގޭގައި އެކަނިހުރެ ނަމާދުކުރިނަމަވެސް ނަމާދަށް ޙަރަމްބަންނަ ހިސާބުން ފެށިގެން ތިމާއަށް ހުއްޓި އެހުރެވެނީ ﷲ ތަޢާލާގެ ޙަޟްރަތުގައެވެ. ތިބާ ފަރުވާކުޑަކޮށްލައި ސަމާލުކަން ނުދީ ކޮންމެ ދިމާއެއް ބެލި ނަމަވެސް ﷲ ތަޢާލާ ތިބާއަށް ބައްލަވައި ވޮޑިގެންވާކަމުގައި ކުރީ ދަރުސެއްގައިވެސް ބުނީމެވެ. ވީމާ އެކަމަށް ސަމާލުކަންދީގެން ނަމާދުކުރަން މަސައްކަތްކުރާށެވެ!
--އިސްލާމީ ތިލަފަތުގެ ދަރުސަކުން
