ރާއްޖެއިން ކޮރަޕްޝަން ނައްތާލުމަށް ރައީސް އިބްރާހިމް މުޙައްމަދު ޞާލިޙްގެ ސަރުކާރަށް ކުރެއްވޭނެ އެންމެ މުހިންމު މަސައްކަތަކީ، ކޮރަޕްޝަންތައް ބައްލަވާނެ ކަމަށް ވެވަޑައިގެންނެވި ވައުދު ފުއްދެވުން ކަމަށް ރައްޔިތުންގެ މަޖިލިހުގެ މައިނޯރިޓީ ލީޑަރ އަބްދުﷲ ރިޔާޛް މިއަދު ވިދާޅުވެއްޖެއެވެ.

ކިނބިދޫ ދާއިރާގެ މެމްބަރ އަބްދުﷲ ރިޔާޛް މިއަދު ކުރެއްވި ޓްވީޓެއްގައި ވިދާޅުވީ ކުރީގެ ރައީސް އަބްދުﷲ ޔާމީން އަބްދުލްޤައްޔޫމްގެ ސަރުކާރުން ކޮށްފައިވާ ކޮރަޕްޝަންތައް ބައްލަވާނެ ކަމަށް ވެވަޑައިގެންނެވި ވައުދު ފުއްދެވުމަކީ ކޮރަޕްޝަން ނައްތާލުމަށް ރައީސް ޞާލިޙްގެ ސަރުކާރަށް ކުރެއްވޭނެ އެންމެ މުޙިންމު މަސައްކަތް ކަމަށެވެ.

އެމްޕީ ރިޔާޒު މިފަދައިން ވިދާޅުވީ ބައިނަލްއަގްވާމީ އެންޓި ކޮރަޕްޝަން ދުވަހުގެ މުނާސަބަތުގައި ރައީސް ސާލިހު ނެރުއްވި ހިތާބާއި ގުޅިގެންނެވެ.

އެހިތާބުގައި ރައީސް ޞާލިޙު ވިދާޅުވެފައިވަނީ، ކޮރަޕްޝަންގެ އަމަލުތައް ހުއްޓުވުމަށް ކުރަންޖެހޭ އެންމެ މުހިއްމު އެއް ކަމަކީ، ތެދުވެރި ކަމާއި އަމާނާތްތެރި ކަމާއެކު ޖަވާބުދާރީ ކުރެވޭނެ ގޮތެއްގެ މަތިން ދެފުށްފެންނަ ގޮތަށް ދައުލަތުގެ މުއައްސަސާތަކުގެ ހިންގުން ބައްޓަންކުރުން ކަމަށެވެ.

RY ge sarukaarun koffavaa corruption thah ballavaanekamah vevadaigennevi vaudhu fuhdhevumakee corruption nahthaalehvumah Raees @ibusolih ge sarukaarah kurehveyne emme muhimmu masahkaiy! https://t.co/TC4xatDo2w

— Abdulla Riyaz MP (@riyazabdulla) December 9, 2018