ރައީސް ޔާމިނުގެ ވެރިކަމުގައި ޤާނޫނާއި ޚިލާފަށް ކުރި ޖަލު ބަންދުގައި 8 މަސް ދުވަސް ހޭދަކުރައްވަން ޖެހިވަޑައިގެންނެވިއިރު އެތައް ފަހަރެއްގެމަތިން އެމަނިކުފާނުގެ އިންސާނީ ހައްޤުތައް ނިގުޅައިގެންފައިވާ ކަމަށާއި އެކަންކަން ރަނގަޅުކުރަން ހިޔުމަން ރައިޓްސް ކޮމިޝަނުން އެޅީ ކޮން ފިޔަވަޅެއް ކަމާއިމެދު ރައީސް މައުމޫން ޢަބްދުލްޤައްޔޫމް ސުވާލު އުފައްދަވައިފިއެވެ.
ރައީސް މައުމޫނު މިރޭ ކުރެއްވި ޓްވީޓެއްގައި ވިދާޅުވީ އެމަނިކުފާނުގެ ކިބައިން ނިގުޅައިގަތް އެއްވެސް ހައްޤެއް އަނބުރާ ހޯދަ ދޭން އެއްވެސް ކަމެއް އެޗްއާރުސީއެމުން ކުރިކަން އެމަނިކުފާނަށް އެނގިވަޑައިގެންފައި ނުވާ ކަމަށެވެ. އަދި އެމަނިކުފާނާއި އެޗްއާރުސީއެމުން ބަދަލުކުރުމުން އެކަންކަމުގެ މައުލޫމާތު ފޯރުކޮށްދެއްވާފައިވާނެ ކަމަށެވެ.
ރައީސް މައުމޫން ވިދާޅުވީ އިންސާނީ ޙައްޤުތަކުގެ ދުވަސް އައުމުން ހަމަ އެކަނި އެދުވަސް ފާހަގަކޮށް ޙައްޤުތަކުގެ ވާހަކަތައް ދެއްކުމަކުން ނުފުދޭނެ ކަމަށެވެ. ހޭލުންތެރިކުރުވުމުގެ ވާހަކަތައް ދެއްކުމުގެ އިތުރުން ނިގުޅައި ގެނެވޭ ޙައްޤުތައް ހޯދައިދޭންވެސް މަސައްކަތް ކުރެވެން ޖެހޭނެ ކަމަށެވެ.
My personal experience with HRCM is not overly happy. My rights were abused many times during my illegal imprisonment that lasted nearly 8 months. They visited me several times and I told them about my suffering. Was there any action taken? Not to my knowledge. 2/2
— Maumoon Abdul Gayoom (@maumoonagayoom) December 10, 2018
