"ނިމިގެންދިއަ ވެރިކަމުގައި ދައުލަތުގެ ޚަޒާނާއަށް ޚިޔާނާތްތެރިވި ބައަކަށް ބޮޑުތަނުން ރައްޔިތުން ނޫނެކޭ ބުނީމާ ވެސް އެކަން ޤަބޫލުނުކޮށް ޤައުމު ހަލަބޮލިކުރަން އުޅުމުގެ ބަދަލުގައި ރައްޔިތުންގެ ނިންމުމަށް އިޙްތިރާމްކޮށް ﷲ ތަށް ބިރުވެތިވެ ތައުބާވުން މާރަނގަޅު" ކަމަށް ފަޟީލަތުއްޝައިޚް އިލްޔާސް ޙުސައިން ވިދާޅުވެއްޖެއެވެ.

ޝައިޚް އިލްޔާސް މިފަދަ ބަސްފުޅެއް ވިދާޅުވެފައި މިވަނީ ރައީސް ޔާމީނުގެ މައްޗަށް ތުހުމަތު ކުރެވޭ މައްސަލަތައް ފުލުހުންނާއި އޭސީސީން ބަލަން ފެށުމުން ޕީޕީއެމުން މަގުމަތީ ޙަރަކާތްތައް ފަށާފައިވާ ވަގުތެއްގައެވެ.

ވެރިކަމުގައި ހުންނެވިއިރު "ހަމަ އެންމެ މީހަކުވެސް ދޫކޮށް ނުލައި ތުހުމަތު ކުރެވޭ ކޮންމެ މީހެއްގެ މައްސަލަ ބަލައި ފިޔަވަޅު އަޅާނެ" ކަމަށާއި ކޮންމެ މީހެއްގެ މައްޗަށް ނަމަވެސް ޝަރުޢީ ކޯޓަކުން ޙުކުމެއް ކޮށްފިނަމަ އެ ޙުކުމެއް ތަންފީޒު ކުރައްވާނެ ކަމަށް ރައީސް ޔާމީނު ގެންދެވީ ވިދާޅުވަމުންނެވެ.