ފައިޞަލް މިރޭ ކުރެއްވި ޓްވީޓެއްގައި ވިދާޅުވީ "މިހާރު މިފެންނަނީ އިން ޝާ ﷲ ސަރުކާރުފަޅީގައި ތިއްބެވި އެމްޕީންވެސް ރައްޔިތުންގެ ފަޅި ނަންނަގަވާ ޙައްޤު ބަސް ވިދާޅުވުމަށް ފަސްނުޖެހޭ މަންޒަރު" ކަމަށެވެ.
Mihaaru mifennanee IA sarukaaru falheega thibbevi MP in ves Rayyithunge falhi nangava haqqu bas vidhalhuvumah fas nujehey manzaru. pic.twitter.com/RZhE0VjRYb
— Faisal Naseem (@FaisalNasym) July 2, 2017
ފައިޞަލް މިމޭރުމުން ވިދާޅުވެފައިވަނީ "ވޯޓު ބޭނުންނަމަ ނާޒިމް ދޫކޮށްލަން މެންބަރު ލަޠީފް ޝަރުޠު ކޮށްފި" ކަމަށް ހާމެވެފައިވާ ޚަބަރަކާއި ގުޅިގެންނެވެ.
ކާނަލް ނާޒިމް ދިރިއުޅުއްވި ކޮޓަރިކޮޅުން "ފެނުނު" ފިސްތޯލައިން ކުރީގެ ނައިބް ރައީސް އަހްމަދު އަދީބުގެ ޑީއެންއޭ ފެނުނުކަން ފުލުހުން ހާމަކޮށްފައިވީ ނަމަވެސް އެ މައްސަލަ އަދިވެސް ބަލާކަމުގެ އެއްވެސް މައުލޫމާތެއް އަދިވެސް ލިބިފައެއް ނުވެއެވެ. އަދި ދާދިފަހުން ލީކުވި އަދީބްގެ ސިޓީއަކުން "އެ ފިސްތޯލަ" އާއި ކާނަލް ނާޒިމާއި އެއްވެސް ގުޅުމެއް ނެތްކަން ހާމަވުމުންވެސް އެ މައްސަލަ އެއްވެސް ފަރާތަކުން ބަލާކަމުގެ އެއްވެސް މައުލޫމާތެއް އަދިވެސް ހާމަވެފައި ނުވުމުން ގިނަ ބައަކު ދަނީ ކަންބޮޑުވުން ފައުޅުކުރަމުންނެވެ.
