މަހުލޫފު މިހެން ވިދާޅުވީ މިއަދު ކްރިމިނަލް ކޯޓުގައި އޮތް ޝަރީއަތުގެ މަޖިލީހުގައެވެ. މަހުލޫފު ކުރެއްވި އެ ޓްވީޓާ ގުޅިގެން ދައުލަތުން ވަނީ އޭނާގެ މައްޗަށް ހިނގާފައިނުވާ ކަމެއް ހިނގައިފިކަމުގެ މައުލޫމާތު ޤާނޫނު ތަންފީޒުކުރާ އިދާރާއަކަށް ދިނުމުގެ ދައުވާ އުފުލައިފައެވެ. މިއަދު ކްރިމިނަލް ކޯޓުގައި އޮތީ އެ މައްސަލައިގެ އިބްތިދާއީ އަޑުއެހުމެވެ.
ކްރިމިނަލް ކޯޓުގައި މިއަދު ބޭއްވި އެ އަޑުއެހުމުގައި މަހުލޫފު ވަނީ އޭނާގެ މައްޗަށް ކޮށްފައިވާ ދައުވާއަށް އިންކާރުކޮށްފައެވެ. މަހުލޫފު ވިދާޅުވީ އެ ދައުވާ އޭނާގެ މައްޗަށް ނުކުރެވޭނެކަމަށާއި އޭނާ ޓްވީޓްގައި ފާޅުކުރީ ޖަލުގައި ގައދީންތަކެއް މަރުވަމުންދާތީ މަޖިލީހުގެ މެންބަރެއްގެ ހައިސިއްޔަތުން ހިތުގައި އުފެދުނު އުދާސްތައް ކަމަށެވެ.
އެ މައްސަލަ ބައްލަވައި ޤާޒީ ޢަލީ އާދަމް ނިންމާފައިވަނީ އެއީ މަދަނީ މިންގަނޑުން ބެލޭނެ މައްސަލައެއް ކަމަށެވެ. ޖިނާއީ އިޖުރާއަތުގެ ޤާނޫނުގެ ދަށުން ޝަރީއަތް ފެށުމުގެ ހުށަހަޅަން ބޭނުންވާ ކަންކަން ހުށަހެޅުމަށް ޤާޒީ ވަނީ ވަކީލުންނަށް މުއްދަތެއް ދީފައެވެ. ދައުލަތުގެ ވަކީލު ޝަކުރުﷲ ޝަކީލް ދެ ދުވަހުގެ މުއްދަތެއް އެދިވަޑައިގަތުމުން ޤާޒީ ވަނީ ދެ ދުވަހުގެ މުއްދަތު އޭނާއަށް ދީފައެވެ. ދީފާޢީ ވަކީލުން އެދިވަޑައިގަތީ 10 ދުވަހުގެ މުއްދަތެއް ދެއްވުމަށެވެ. އެހެން ނަމަވެސް ޤާޒީ ދެއްވީ ހަފުތާއެއްގެ މުއްދަތެކެވެ.
Maafushi Jaluga gaidheen maruvaneekee noon,seedhaa maranee.Ekasheegenvaa faruvaa nudhee maraalanee. Ahareh therey 10 ghaidheen maruveema eyee serious massalaeh.Commissioner Shiyan adhi DOP Salman furihama zimmaanaganjehey. Alhugandu jaluga oiyiru mishakuvaa kurevunu adhahu neyge pic.twitter.com/0xpZ8jBoFd
— Ahmed Mahloof (@AhmedMahloof) January 20, 2018
