ސާފް ފުޓްބޯޅަ މުބާރާތުގައި މިރޭ ކުޅޭ މެޗަކީ ހުރިހާ ގޮތަކުންވެސް ރާއްޖެއަށް ވަރަށް މުހިންމު މެޗެކެވެ. މެޗް ކާމިޔާބު ނުކުރެވިއްޖެނަމަ ވެންޓިލޭޓަރަށް ދާންޖެހުމުގެ ބިރު ބޮޑުކަމުންނެވެ.
ކޮންމެއަކަސް މިރޭ ކުޅޭ މެޗާއިމެދު ހިތްހަމަޖެހުން ލިބޭ 2 ކަމެއް އެބަ އޮތެވެ. ފުރަތަމަ ކަމަކީ މިއަދަކީ ޤައުމީ ދުވަސްކަމުގައިވުމުން ކުލުންތެރިންގެ ހަށީގައި ޤައުމީ ލޭ ބާރަށް ކެކިކެކި ހުންނާނެ ކަމެވެ.
ދެވަނަ ކަމަކީ މިއަދަކީ އޮކްޓޯބަރު މަހުން 7 ވަނަ ދުވަސްކަމެވެ. މުސްކުޅިން ބުނެއުޅޭ ގޮތުންނަމަ 7 ދަށުގަ ރަހައެއް ލާނެއެވެ. ގިނައިން މިބަސް ބޭނުންކުރެވެނީ ކަމެއް 7 ފަަހަރު ކުރަންޖެހިއްޖެ ނަމަ އެކަމެއް ކާމިޔާބުވާނެކަމުގެ މާނައިގައެވެ. މަހުން ހަތަކާއި މިގުޅުވައިލީ އަޅުގަނޑު އަމިއްލައަށެވެ.
ކޮންމެއަކަސް މިރޭގެ މެޗުގެ ނަތީޖާ ރަނގަޅުވެ ދިވެހި ޤައުމީ ޓީމް މޮޅުވުމަކީ ކޮންމެ ދިވެހި ރައްޔިތަކުވެސް ބޭނުންވާނެ ގޮތެވެ. ހަމަގައިމުވެސް އަޅުގަނޑު އެންމެ ބޭނުންވާ ގޮތެވެ.
- ޢަލީ ރިޟްވާން / މިއަދުނޫހުގެ ކިޔުންތެރިއެއް-
