ޢަލީ ޞާލިޙަށް ކަޓަރުން ހަމަލާދިނީ އައިސިސްގެ ލޯގޯޖެހި ލިބާސްލައިގެން ސަލްމާން މިސްކިތުގެ މިންބަރަށް އެރުމުން މޮޔައެއްކަމަށް ބުނެ ދޫކޮށްލި މީހާކަމަށް ޢަލީ ޞާލިޙް ވިދާޅުވެއްޖެއެވެ.
"އޭނާ އަޅުގަނޑުގެ ބުރަކަށްޓަށް ދިން ޙަމަލާ އެރިނަމަ ވަރަށް ނުރައްކާވީސް! ގަމީހުން އެނގެން އެބަހުރި ދޭންއުޅުނު ޙަމަލާ!" ޢަލީ ޞާލިޙް ވިދާޅުވިއެވެ.
ސިކުނޑި ހަމަނުޖެހޭ މީހެއްކަމަށް ބުނާ މީހަކަށް އައިސިސްގެ ހެދުން ލިބުނު ގޮތާއި އެފަދަ ހެދުމެއް ލައިގެން މިސްކިތާއި ހަމައަށް ދެވުނު ގޮތެއް އަދި މިހައިތަނަށްވެސް ފުލުހުންނަށް ބުނެދެވިފައެއް ނެތެވެ. ޙަމަލާދިނީ އޭނާތޯ ނޫސްވެރިން ފުލުހުންނާ ކުރާ ސުވާލުތަކަސްވެސް ޖަވާބު ދީފައެއް ނުވެއެވެ. ހަމައެކަނި ބުނެފައިވަނީ އިތުރަށް ތަޙްޤީޤްކުރަންޖެހޭ ކަންކަން ތަޙްޤީޤްކުރަމުންގެންދާ ކަމަށެވެ.
