ޖުމްހޫރީ ޕާޓީން ނިންމާނީ ދިވެހިންނަށް އަބަދުވެސް އެންމެ ރަނގަޅު ގޮތްކަމަށް ރައްޔިތުންގެ މަޖިލީހުގެ މާމިގިލީ ދާއިރާގެ މެންބަރު އަދި ޖުމްހޫރީ ޕާޓީގެ ލީޑަރު ގާސިމް އިބްރާހިމް ވިދާޅުވެއްޖެއެވެ.
ގާސިމް މިފަދައިން ވިދާޅުވީ ޖުމްހޫރީ ޕާޓީގެ ގައުމީ ކޮންފަރެންސް ނިންމުމުގެ ރަސްމިއްޔާތުގައި ދެއްކެވި ވާހަކަފުޅުގެ ތެރެއިންނެވެ.
ގާސިމް ވިދާާޅުވީ ދިވެހިންނަށް ރަނގަޅު ގޮތް ހޯދުމުގައި ފަތަންޖެހުނު ކޮންމެ ކަނޑެއްގައިވެސް ފަތާނެ ކަމަށާއި މި ޕާޓީން ފަހަތަކަށް ނުޖެހޭނެ ކަމަށެވެ. އަދި ޕާޓީން އަބަދުވެސް ނިންމާނީ ދިވެހިންނަށް އަބަދުވެސް އެންމެ ރަނގަޅު ގޮތް ކަމަށާއި އަބަދުވެސް މަސައްކަތްކުރާނީ އެހެން ކަމަށެވެ.
ޖުމްހޫރީ ޕާޓީގެ މި ކޮންފަރެންސުން ދެއްކި އެއްބައިވަންތަކަމާއި ކެތްތެރިކަމަށް ރާއްޖޭގެ ހުރިހާ ޕާޓީއަކުންވެސް މިސާލުނަގަންޖެހޭ ކަމަށް ގާސިމް ވިދާޅުވިއެވެ.
